Artêşa Îsraîlê di 13ê Hezîranê de"bi mebesta hedefgirtina bernameya nukleerî" li dijî Îranê êriş dabûn destpêkirin. Her weha Îranê jî êrîşên tolhildanê li dijî Îsraîlê yekser da dest pê kirin. Di navbera herdu welatan de di 24ê Hezîranê de agirbest hat ragihandin.
Li gorî medya Îranê, di nava 12 rojên şerê bi Îsraîlê re bi îdîaya ku 'Hevkarî bi Mossadê re kirine' 700 kes hatine desteserkirin.
Li gorî Ajansa Nûçeyan a Mehrê ku nîv fermî ye, yekîneyên îstîxbaratê yên Komara Îslamî ya Îranê, di nava 12 rojên şerê bi Îsraîlê re 700 kes hatin desteserkirin. Her weha di nûçeyê de ev kes weke '700 leşkerên Îsraîlî yên ji bo pereyan şer dikin' hatin pênasekirin.
Netanyahû dîsa gefa kuştinê li Xameneyî xwar
Rayedarên Îranî diyar kirine ku bi êrîşên Îsraîlê re toreke sîxuriyê ya “Rejîma siyonîst” li welatê wan kete nava liv û tevgerê û îdîa kirin ku ev tor bi piranî hatiye têkbirin.
Desteserkirin bi giranî li Kirmaşan, Îsfahan, Huzistan, Fars û Loristanê hatin kirin.
3 kes darve kirin
Li Îranê ji bo tepisandina nerazîbûna civakî û muxalîfan, bêyî darizandineke adîl mirov hatin darvekirin.
Li gorî ajansa nûçeyan a fermî ya erka dadgeriyê Mîzanê, 3 kes bi îdîaya ku sîxurî ji Mossadê re kirine hatine darvekirin. Hate ragihandin ku her sê kes sibeha Çarşemê hatin darvekirin.
Rêxistina Efûyê ya Navneteweyî 20'ê Hezîranê bi daxuyaniyekê bang li rayedarên Îranî kir ku dest ji înfazên kêfî berde.
Roja 5emîn a şerê Îran-Îsraîlê: Tê îdiakirin ku fermandarê payebilind ê Îranî Elî Şadimanî hatiye kuştin
Der barê şerê Îsraîl-Îranê de
Di 13ê Hezîranê de Îsraîlê êrîşên berfireh li dijî tesîsên nukleerî yên li bajarên cuda yên Îranê û fermandarên payebilind ên artêşê pêk anîn.
Serfermandarê Giştî yê Îranê, Fermandarê Giştî yê Artêşa Şoreşê, hin fermandarên payebilind û neh zanyarên nukleerê di êrîşan de hatin kuştin, di heman demê de hejmara giştî ya qurbaniyên sivîl jî wekî derdora hezar kesî hate ragihandin.
Hat ragihandin ku di êrîşa mûşekî ya balîstîk a artêşa Îranê ya li dijî Îsraîlê de 24 kes hatine kuştin û zêdetirî 500 kes jî birîndar bûne.
(AY)
