Ji bo nûçeya tirkî bitikîne
Li eyaleta Azerbaycana Rojava yê Îranê, saet di 06.16 deqîqeyan de bi pileya 5.6ê erd hejiyaye.
Li gorî zanyariyên ku Serokatiya Rêvebiriya Karesatan û Rewşa Lezgîn (AFAD) li ser malpera xwe weşandiye, navenda erdhejê bajarê Xoyê ye.
Li gorî nûçeya Ajansa Nûçeyan a Komara Îslamî ya Îranê (IRNA) erdhej 8 kîlometroyan di bin erde de pêk hatiye. Cihê erdhej lê bûye, 19 kîlometroyan dûrî Xoyê, 24 kîlometroyan dûrî Selmasê, û 29 kîlometroyan jî dûrî Taze Şehrê ye. Her weha hin bajarên din ên eyaleta Azerbeycana Rojava jî hejiyane.
Ajansa Anadolûyê di nûçeyeke xwe de diyar kiriye ku bajarên mîna Wan û Colemêrg jî ji ber vê erdhejê hejiyane. Li gorî zanyariyan navenda erdhejê 29 kîlometroyan dûrî Elbak, navçeya Wanê ye. (EMK/FD)
