Fotograf: ILO
Ji bo nûçeya tirkî / ingilîzî bitikîne
Saziya Îstatîstîkan a Tirkiyeyê (TUIK) daneyên karkirinê yên meha Tebaxê aşkere kirine. Li gorî van daneyan, hejmara bêkaran di meha Tebaxê de, li gorî mehek beriya wê, 100 hezar kes kêm bûye û bûye 3 milyon û 312 hezar.
Rêjeya bêkariyê 0,4 pûan kêm bûye û di meha Tebaxê de li derdora 9,6ê ye. Di nava mêran de rêjeya bêkariyê ji sedî 8,2 ye lê di nava jinan de 12,5 e.
Rêjeya karkirinê ya bikêrnehatî ya ji îstîxdama kêm a li gorî demê, hêza karkirinê ya potansiyel û bêkaran pêk tê, di meha Tebaxê de li gorî meheke beriya wê, 2,6 pûan kêm bûye û daketiye 19,8ê.
Rêjeya îstîxdamkirinê bûye 47,9
Hejmara kesên ku hatine îstîxdamkirin di meha Tebaxê de, li gorî meheke beriya wê, 366 hezar bilind bûye û derketiye 31 milyon û 14 hezarî. Rêjeya îstîxdamkirinê jî 0,5 pûan zêde bûye û derketiye 47,9ê.
Ev rêje di nava mêran de ji sedî 65,3 ye lê di nava jinan de 30,8 e.
Rêjeya karkirinê ji sedî 53 ye
Rêjeya karkirinê di meha Tebaxê de, li gorî meheke beriya wê 266 hezar zêdetir bûye û derketiye 34 milyon û 326 hezarî. Rêjaya karkirinê jî ji sedî 0,4 pûan zêde bûye û derketiye ji sedî 53 yê.
Di nava mêran de ev rêje ji sedî 71,2 ye lê di nava jinan de ji sedî 35,1 e.
Di nava ciwanan de ku yên temenên wan di navbear 15 û 24an de ye, li gorî meheke berê, di meha Tebaxê de rêjeya bêkariyê 0,8 pûan kêm bûye û daketiye ji sedî 18ê. Rêjeya bêkariyê di nava mêrên ciwan de 15,2 ye lê di nava jinên ciwan de ji sedî 23,3 ye.
Li Tirkiyeyê karker heftê 44,1 saetî kar dikin.
