Hat ragihandin ku li herêma Agios Leon a girava Zakinthosa Yewnanîstanê agir bi daristanê ketiye.
Li gorî nûçeya Ajansa Anadoluyê, hat diyarkirin ku piştî şewata daristanê ya ku îro sibê dest pê kir, tîmên agirkujiyê dest bi midaxeleyê kirine.
26 tîmên agirkuj, 9 wesayîtên agirkujiyê, 2 balafir û helîkopterek ji bo mudaxeleya li herêmê hatin erkdarkirin. Lêbelê, bayê bihêz vemirandina agir zihmettir dike.
Di sala 2024an de li Yewnanîstanê zêdetirî 9 hezar 500 şewatên daristanan çêbûne, ku li gorî navînîya salane ya 20 salên berê ji sedî 7,5 zêde bûye.
Di şewatan de herî kêm du kes mirine û bi sedan gundên ku di bin xetereyê de ne hatin valakirin.
(TY/AY)
