Li Enqereyê qedexeyeka ji bo rêxistinên LGBTyan rabûye, yek maye

Ji bo nûçeya tirkî / ingilîzî bitikîne

Walîtîya Enqereyê hemî kiriyar û çalakiyên LGBTyan(lezbîyen, gey, transeksûel, bîseksûel) qedexe kiribû. Îro qedexeya cara yekem hatî îlankirin hatiye rakirin.

13.10.2018 cara duyem qedexe hatibû îlankirin, ew qedexe nehatiye rakirin. Komeleya Kaos GLyê li malpera xwe diyar kiriye ku “li paytexta Tirkiyeyê, Enqereyê bi biryara walîtîyê, qedexeya li ser rêxistinên LGBTyan nehatiye rakirin.”

Çi bûbû?

Walîtîya Enqereyê 18.11.2017ê,  hemî çalakiyên rêxistinên LGBTyê(lezbîyen, gey, transeksûel, bîseksûel) qedexe kiribû, komeleyên KaosGL û Pembe Hayatê ji bo betalkirina biryarê doz vekirin. Dadgehan daxwaza komeleyên LGBTyê red kir.

Bixwîne - Walîtiya Enqereyê ji bo demeke nediyar bernameyên LGBTİyê qedexe kirin

Li gor nûçeya Yildiz Tarî Dadgeha Îdareyê ya 4. a Enqereyê diyar kiriye “biryar dê rewşeka welê çêneke ku neyê telafîkirin an jî telafiya wê zehmet be û biryar rasterast ne li dijî hiqûqê ye.”

Walîtî: Li gor rêziknameyê ye

Walîtîya Enqereyê di parastinnameya xwe de eşkere kiriye ku biryar di dema Halê Awarte de hatiye dayin. “Mafên bingehîn” nehatine binpêkirin û biryar ne li dijî hevpeymanên navneteweyî ye.

Hiqûqa derengmayî

Parêzerê ku li ser navê Kaos GLyê doz vekiribû, Kerem Dikmenî diyar kiriye walîtîyê di 19ê Çiriya Paşiyê de biryara qedexeyê îlan kiriye. Wan di 20 Çiriya Paşiyê de doz vekiriye lê 25ê Kanûna Paşiyê de dadgehan biryar dane.(EMK/MB)