Di çarçoveya lêpirsîna "sûcên darayî" ya li dijî Şaredariya Bajarê Mezin a Stenbolê(ÎBB) de operasyoneke nû dest pê kir. Biryara desteserkirina 49 kesan hat dayîn.
Di nav kesên hatine desteserkirin de Sekretera Taybet a Îmamoglu, Kadriye Kasapoglu ya ku berê hatibû girtin û piştre serbest bûbû, Yavuz Saltik û Alî Kurt jî hene.
Di operasyonên ku Rêvebiriya Şaxa Têkoşîna Li Dijî Sûcên Darayî ya Emniyeta Stenbolê daye destpêkirin de, heta niha li Stenbol, Îzmîr, Trabzon, Antalya, Dêrsim û Kocaeliyê bi tevahî 42 kes hatine desteserkirin.
Lêgerîn û karên desteserkirinê li malan berdewam dike.
Serdozgeriya Komarê ya Stenbolê têkildarî mijarê ev daxuyanî da:
"Di çarçoveya dosyaya bi hejmar 2024/228233 S.N.yê de, ji bo gendeltiyên ku di serî de li Serokatiya Daîreya Çakkirina Rêyan, Îstaç û Kiptaş hatine tespîtkirin, di 23/05/2025an de gumanbarên bi navê Ali KURT, Ziya Gokmen TOGAY, İbrahim BULBULLU, Nezahat KURT û Mustafa AKIN jî di nav de derbarê 49 kesan de biryara zeftkirin, lêgerîn û desteserkirinê hatiye dayîn. Ji ber vê yekê wan ferman Rêvebiriya Şaxa Têkoşîna Li Dijî Sûcên Darayî ya Emniyeta Stenbolê. Di vê kêliyê de karên desteserkirin, lêgerîn û zeftkirinê yên derbarê gumanbaran de berdewam dikin."
(EMK/AY)
