Li Çewlikê 17 hezar 245 kokên kirkirikê û skunkê hatin bi dest xistin
Li ser fermana dozgerê komarê, derbarê mijarê de lêpirsîn hate destpêkirin.
Di operasyoneke li navçeya Dara Hênê a Çewlikê de, 9 hezar û 300 kokên skunkê û 7 hezar û 945 kokên kirkirika Hînt hatin bi dest xistin.
Li gorî daxuyaniya walîtiyê, tîmên Fermandariya Cendermeyan a Bajêr di 24-25ê Hezîranê de ji bo pêşîgirtina li çêkirin û bazirganiya madeyên hişbir û çandiniya neqanûnî a wan madeyan, operasyonek pêk anîn.
Di vê çarçoveyê de, di xebatên li bejahiya navçeyê hatin kirin de, li 9 deverên cuda madeyên hişbir hatin dîtin.
Li gorî nûçeya Ajansa Anadoluyê, li ser fermana dozgerê komarê derbarê mijarê de lêpirsîna qanûnî hate destpêkirin.
Li gorî Rêxistina Polîsan a Yekîtiya Ewropayê (Europol), madeyên hişbir ên li Ewropayê û bi taybetî bazirganiya eroînê di destê şebekeyên sûc ên li Tirkiyeyê de ne.
(TY/AY)
Hak odaklı, çok sesli, bağımsız gazeteciliği güçlendirmek için bianet desteğinizi bekliyor.