bianet'in özel bildirimlerine izin vererek önemli gelişmelerden haberdar olabilirsiniz.
Li Behra Reş ji ber lehiyê heta niha 77 kes mirine
AFADê aşkere kiriye ku hejmara miriyan li Kastamonûyê gihîştiye 62yan. Li Sînopê 14 kes li Bartinê jî kesek miriye.
Fotograf:AA
Li Kastamonû, Bartin û Sînopê hejmara miriyên ji ber lehiyê mirine, her diçe zêde dibe.
Li gorî daxuyaniya Serokatiya Rêveberiya Rewşa Lezgîn û Karesatan, hejmara miriyan li Behra Reş gihîştiye 77an.
AFADê di daxuyaniya xwe de diyar kiriye ku heta niha li Kastamonûyê 62, li Sînopê 14 û li Bartinê kesek miriye. Dermankirina 8 kesan li nexweşxaneyan dewam dike.
AFADê gotiye ku piştî lehiyê ji navçeya Ûlûsê ya Bartinê 341, ji Kastamonûyê hezar û 480 û ji navçeya Ayvancikê ya Sînopê jî 560 kes ji malên wan ên wêranbûyî hatine derxistin. (FD)
Hak odaklı, çok sesli, bağımsız gazeteciliği güçlendirmek için bianet desteğinizi bekliyor.