Ji bo nûçeya Tirkî
Walîtiya Amedê daxuyand ku li 39 gundan derketina derve hatiye qedexe kirin, 21 herêm weke herêma ewlehiyê hatiye îlankirin û wan bi hezaran leşkeran ve operasyoneke mezin daye destpêkirin.
Walîtiya Amedê daxuyand ku îro Fermandariya Leşkeran a Bajêr bi hezaran leşkeran ve li dijî hêzên PKKê operasyon li dar dixin û di vê çarçoveyê de li 39 gundên girêndayê 3 navçeyên Amedê jî derketina derve hatiye qedexekirin.
Her wiha li wê herêmê 21 deverên cuda hetanî 31ê Kanûna 2016an wekî herêma ewlehiyê ya taybet hatin îlankirin.
Li 39 gundên girêdayê 3 navçeya derketina derve hat qedekirin
Di daxuyaniya walîtiyê de hat ragihandin ku qedexe îro ji saet 03:00an şûnde dest pê kiriye û gundên lê qedexe hatiye îlankirin jî wiha ne:
*Karaz: Gozebaşi, Gokçe, Boyunlu.
*Hezro: Çitlibahçe
*Lice: Ortulu, Erginkoy, Kiralan, Dernek, Yamaçli, Akçabudak, Kiliçli, Yorulmaz, Yalimli, Baharlar, HedikBayirli, Saydamli, Baglan, Serince, Yalaza, Ortaç, Kayacik, Uçari, Esenler, Ziyaret, Dolunay, Çavundur, Çagdaş, Dibekkoy, Yolçati, Arikli, Ulucak, Guldiken, Yaprakkoy, Tuzlakoy, Damar, Siginak, Budak û Kabakaya.
Li Pasûrê qedexe bi dawî bû
Walîtiyê daxuyand ku operasyona li Şenyayla û Billurderesiyê bi dawî bûye û qedexeya ku di 22ê Hezîranê de hatibû ragihandin jî bi dawî bûye.
(AS/YO)
