Midûrtîyên Daîreya Çand û Karûbarên Civakî û Daîreya Xizmetên Civakî, bi mebesta pêşxistina zarokan û anîna wan ba hunerê, dê di 8 qadên cuda de atolyeyên belaş ên zarokan organîze bikin.
Bi bernameyeke hevpar, di mehên Tîrmeh û Tebaxê de, dê ji bo zarokan atolyeyên zimanê Kurdî (Kurmancî-Kirmanckî), kodkirina robotîk, resim, muzîk, lîstikên zarokan ên kevneşopî, rîtm, lîstikên hiş-jîrî û dramayê bên vekirin.
Perwerdehîyên di atolyeyên ku dê li Sumerparkê bên lidarxistin, dê ji alîyê perwerdekarên Midûrtîya Şaxa Pêşxistina Ziman, Midûrtîya Şaxa Konservatuarê û Midûrtîya Şaxa Zarokan ve bêne dayîn.
Bernameya xebata atolyeyan, ku dê her rojên hefteyê bêne kirin, wekî 8 hefteyan hate plankirin.
Serlêdan dê ji ser DÎSMEKê bên girtin
Zarokên ku dixwazin ji kursan sûd werbigirin, dê di navbera 17-30ê Hezîranê de, bi rêya malpera dismek.org.tr, bi riya dêwbavên xwe qeyda xwe çêkin.
(AY)
