Li navçeya Peyasê ya Amedê di saetên êvara Pêncşema 5ê Hezîranê de li Sîteya Rojava di avahiyek 13 qatî de şewat derket û di encamê de dayîkek û sê zarokên wê mirin.Têkildarî şewatên pêşketinên girîng pêk hatin.
Ji pênc kesên ku piştî şewatê hatibûn desteserkirin, jê du kes hatin girtin û sê kes jî bi şertê kontrola edlî serbest bûn.
Li Amedê agir bi avahiyek ket: 2 jê zarok 4 kes mirin, 13 kes jî birîndar bûn
Mitehîdê avahiyê hat girtin
Derheqê şewatê de lêpirsîn hate destpêkirin û didome. Di çarçoveya lêpirsînê de duh 2 kes hatibûn girtin. Piştre jî dozgeriyê ji bo kesekî biryara girtinê û ji bo 2 kesan jî biryara desteserkirinê da.
Di lêpirsînê de bi giştî 5 kes hatin desteserkirin. Ji desteserkiriyan B.C. ê ku berpirsyarê kontrola avahiyê ye û mutehîtê avahiyê M.A.Ç. bi biryara Dadgêriya Ceza ya Sulhê ve bi sedema "Ji ber qisûriya xwe bûye sedema mirin û birîndariya gelek kesan" hatin girtin. Ji desteserkiriyan 3 kes jî bi şertê kontrola edlî hatin berdan.
Di şewatê de Bircan Çavdar û zarokên wê Yunus Emre(12), Zeynep(4) û Elîf Çavdarê(4) jiyana xwe ji dest dabûn.
(AB/AY)
