Ji bo nûçeya tirkî bitikîne
Svenja Schulze, Wezîra Jîngehê ya Almanyayê aşkere kiriye ku ew ê kîsikên naylon bi temamî qedexebikin.
Schulze gotiye, beriya niha kîsikên naylon bi pere dihatin firotin lê encam ne bidile wan bûye û wan jî biryara qedexeyê standiye.
Li gorî nûçeya BBCya tirkî, ji sala 2015ê û vir ve bikaranîna kîsikên naylon li Almanyayê ji sedî 64 kêm bûye.
Wezîrê negotiye ev biryar wê kengî dest pê bike.
Li Ingilîstanê ji sedî 90 kêm bûye
Li Ingilîstanê ji sala 2015ê û vir ve kîsikên naylon bi pereyan tê firotin. Kîsikek bi 5 peniyan tê firotin. Hatiye diyarkirin ku li Ingilîstanê bikaranîna kîsikên naylon ji sedî 90 kêm bûye.
Ji sala 2020ê û pê de bihayê kîsikên naylon bi qasî du qatê xwe wê zêde bibe. Piştî meha Nîsana li pêş kîsikên naylon, amûrên lihevxistina kokteylan û darikên paqijkirina guhan jî wê bên qedexekirin.
Tê plankirin ku piştî sala 2021ê li tevahiya welatên Yekîtiya Ewropayê, kelûpelên weke pîpet, çetel û kevçiyên plastîk wê bên qedexekirin.
Rewşa li Tirkiyeyê
Di Kanûna Pêşiyê ya 2018ê de “Pêşnûmeya Hin Qanûnan ên Derbarê Guhertinên di Qanûna Jîngehê û Hin Qanûnan de” di Rojnameya Fermî de hatiye weşandin û ketiye meriyetê.
Li gorî vê yasayê, kîsikên naylon bi 25 quruşan tên firotin. Wezareta Jîngeh û Bajarvaniyê wê karibe her sal bihayê kîsikan biguherîne. (EMK/FD)
