Fotograf: AA
Li bajarê Hanauyê yê Almanyayê li du kafeyên cuda êrişa çekdarî hatine kirin û di encamê de 11 kes hatine kuştin. 5 kes jî birîndar bûne. Herwiha tê gotin ku di nav qurbaniyan de kesên kurd jî hene.
Rêveberiya Asayişa Hessenê ragihandiye ku duh 19ê Sibatê saet derdora 22.00ê li bajarê Hanauyê li ser herdu cadeyên Heumaekt û Kurt Shumacherê li du kafeyan êrişa çekdarî pêk hatiye.
Li gor medyaya Almanyayê di encama êrişê de herî kêm 11 kes hatin kuştin û 5 kesên din jî bi dijwarî birîndar bûne.
Li gor nûçeya malpera Bild a Almanî di nava qurbaniyan de kesên kurd jî hebûne.
Rêveberiya Asayişa Hessenê herwiha ragihandiye ku derbarê 2 gumanbaran de dest bi xebatên desteserkirinê kirine û ji şahidhalan jî daxwaz hate kirine ku ji hêzên asayişê re bibin alîkar.
Herwiha hatiye ragihand ku yek ji gumanbaran di mala xwe de kuştî hate dîtin û termê kesekî din jî li nêzîk mala wî hate dîtin.
Bildê her weha diyar kiriye ku failê bûyerê nameyek û vîdeoyek li du xwe hiştiye. Bildê ragihandiye navê failî Tobias R ye.
(FD)
Çavkanî: Rûdaw, Bild
