Serokê Meclîsê Numan Kurtulmuş dê berî avakirina komisyona çareserkirina pirsgirêka Kurd, cara dawî bi partiyên siyasî re bicive.
Di vexwendnameya ku Kurtulmuş ji partiyên siyasî re şandiye de hatiye ragihand ku roja Îniya 18ê Tîrmehê, saet 10:00ê sibehê, dê bi cîgirên serokên koman re civînek taştê li dar bixe.
Şandeya DEM Partiyê: Ji bo ‘pêvajoyê’ dê komîsyona Meclîsê ava bibe
Hemû partî hatine vexwendin
Kurtulmuş vexwendina xwe bi tenê bi partiyên siyasî yên ku di Meclîsê de komên wan hene ve sînordar nekir. Wî vexwendin ji partiyên ku koma wan li Meclîsê nîne re jî şand.
Dê ji her partiyekê nûnerek beşdar bibe civînê bibe, dê li ser rêbaz û çawaniya avakirina komîsyonê nîqaş were kirin.
Piştî nîqaşan, dê prensîb û esasên ji bo avakirina komîsyonê bi nivîskî werin nivîsandin.
DEM Partî: Partiyên siyasî ji bo komîsyonê wê sibe li Meclîsê bicivin
Pêvajoya Komîsyonê
Civîna yekem a partiyan ji bo Komîsyona Meclîsê, ku avakirina wê piştî banga Ocalan a ji bo Aştî û Civaka Demokratîk dest pê kir, di 24ê Hezîranê de li ser vexwendina Serokê Meclîsê hate lidarxistin.
Di civîna yekem de, ku cîgirên serokên komên AKP, CHP, DEM Partî, MHP, İYİ Partî û Partiya Yeni Yol beşdar bûn, ji bilî İYI Partiyê hemû partiyan piştgirî dan avakirina komîsyonê. Serok Kurtulmuş pêşniyar û pêşnûmeyên nivîskî ji partiyan xwest.
Bahçelî ji bo nexşerêyê bang kir: Bila komîsyonekî 100 kesî were avakirin
DEM Partiyê di 1ê Tîrmehê de pêşniyara xwe ya komîsyonê pêşkêşî Kurtulmuş kir. Piştre, CHP, Partiya Yeni Yol, MHP û AKPê pêşnûmeyên xwe pêşkêş kirin. DEM, Partî CHP û Partiya Yeni Yolê xwestin ku komîsyon bi qanûnê were damezrandin.
Tê payîn ku Kurtulmuş rewşa dawî ya komîsyonê li gorî rêkeftinên ku piştî civîna roja Înê hatine bidestxistin, ragihîne.
(AEK/AY)
