Konserên Aynûr Doganê yên Tirkiyeyê didomin

Ji bo nûçeya tirkî / ingilîzî bitikîne

Muzîkjen Aynûr Doganê piştî Îzmîrê duh êvarê li Tesîsên Vîşnelîk yên ODTUyê ku li Enqereyê ye konser daye. Şaredariya Derînceyê ya AKPyî di 20ê Gulanê de konsera Aynûr Doganê betal kiribû.

Aynûr Doganê di konsere de strana “Dar Hejîrokê” gotiye. Kemal Kiliçdaroglû, Serokê Giştî yê CHPê li ser hesabê xwe yê Twîtterê ev strana Doganê parve kiribû.

Dogan konserên xwe yên li Tirkiyeyê didomîne û di rojên pêş de wê konsere li van bajaran bide:

24ê Gulanê: Antalya

28ê Gulanê: Stenbol

30ê Gulanê: Edene

31ê Gulanê: Bûrsa

Ne güzel söylemişsiniz
Recorded live @vwarena in Istanbul 2022 #aynurtürkiyeturnesi https://t.co/IDv2y6i9rO pic.twitter.com/e3enr3GcqZ

— Aynur Doğan (@aynurdogan) May 13, 2022

Aynûr Dogan li piştî Tirkiyeyê dê Almanya, Avûstûrya û Holandayê jî konseran bide. Bernama konserên wê yên derveyî Tirkiyeyê weha ye:

3 Hezîran -  Mannheim Rosengarten
4 Hezîran - Kaiserslautern Kammgarn
6 Hezîran -  Treibhaus Innsbruck
10 Hezîran -  Eindhoven Muziekgebouw
11 Hezîran - Arnhem Musis

Doganê wê di 20ê Gulanê de li navçeya Derînceyê konserek bida. Şaredariya Derînceya Kocaeliyê di 15ê Gulanê de konsera wê betal kiribû.

Şaredariya AKPyî li ser hesabê xwe yê Twitterê gotibû ku “Di encama lêkolînên berfireh de, diyar bûye ku ne guncav e.”

(AO/AY)