Komîsyona 21ê Sibatê kampanyaya îmzeyan wê ji bo kurdî bide destpêkirin

Komîsyona 21ê Sibatê kampanyeya îmzeyan a “Bila zimanê kurdî bibe zimanê fermî” û “Bila zimanê kurdî bibe zimanê perwerdehiyê” wê bide destpêkirin. Komîsyonê bang li tevahî Kurdan kiriye û gotiye, “Bi hevdû re xwedî li van daxwazan derkevin û bi dilgermî beşdarî vê kampanyayê bibin.”

Stenbol

Komîsyona 21ê Sibatê kampanyaya îmzeyan wê ji bo kurdî bide destpêkirin

Komîsyona 21ê Sibatê ku ji aliyê Platforma Zimanê Kurdî û Tora Ziman û Çanda Kurdî ve ava bûye duh li Cemiyeta Rojnamegeran a Amedê civîna çapemeniyê pêkaniye. Komîsyonê ragihandiyê ku ew ê kampanyeya îmzeyan a “Bila zimanê kurdî bibe zimanê fermî” û “Bila zimanê kurdî bibe zimanê perwerdehiyê” di 22ê Sibatê de bidin destpêkirin.

Daxuyaniya ragihandina kampanyaya Komîsyonê bi kurmancî û kirmanckî/zazakî, şewezarên kurdî û tirkî hatiye amadekirin. Endam û rêvebirên Platforma Zimanê Kurdî û Tora Ziman û Çanda Kurdî tevlî civînê bûne.

"Zimanê me nasnameya me ye"

Di daxuyaniya komîsyonê de weha hatiye gotin:

“Zimanê me hebûna me ye, zimanê me nasnameya me ye, zimanê me rûmeta me ye... Lê mixabin ev nêzî sed salî ye, siyaseta serdest bi darê zorê dixwazin kurdan ji vî mafê wan ê rewa bêpar bihêlin. Bi gotineke din dixwazin kurd ji hebûna xwe dûr bikevin, bê nasname û rûmet bimînin.”

"Zimanê Kurdî divê bi haweyekî fermî bibe xwediyê statûyeke qanûnî"

Îro bi milyonan kurd li Rojhilata Navîn pêrgi asîmîlasyonê dibin. Di erdnigarîya me de siyaseta serdest dixwaze kurdan û zimanê wan ji holê rake. Ew siyaseta çewt dixwaze kurdan ji aliyê ziman û çandê ve tune bike, lê ev helwesta, tu caran nabe helwesteke demokratîk û mirovî. Ev helwest li dijî fikir û ramanên wekheviyê ye jî. Divê ev siyaseta çewt demildest were terk kirin û mafê kurdan yê ziman û nasnameyê were pejirandin. Zimanê Kurdî divê bi haweyekî fermî bibe xwediyê statûyeke qanûnî, Zimanê Kurdi divê bibe zimanê perwerdehiyê.

“Kampanya wê di 22’yê mehê de dest pê bike”

Em bi pêşengiya ‘Platforma Zimanê Kurdî’ û ‘Tora Ziman û Çanda Kurdî’ kampanyaya îmzayê ya “bila zimanê kurdî bibe zimanê fermî”,“Bila zimanê kurdî bibe zimanê perwerdehiyê” didin destpêkirin. Kampanya wê di 22’yê mehê de dest pê bike û kampanya wê li ser du lingan bimeş e. Lingek jê, îmzayên fizîkî yên ku li kuçe û kolanan xwe bigihejînê kurdan. Lingê din jî îmzaya dîjîtal e. Ev ji bo kurdên ku derfeta wan a ku xwe bigihînin forma îmzayên rûbirû tune ye amade bûye. Ji bo kesên ku ne kurd bin û hîna nirxên mirovahiyê bi tevahî winda nekirine û dixwazin dawî li vê şerma sedsalê bînin, ev ling hatiye amadekirin.

Divê Kurd li dora kampanyayê bicivin

“Ev kampanya çiqasî bi navê Platforma Zimanê Kurdî û Tora Ziman û Çanda Kurdî were destpêkirin jî, kampanya di bingehê xwe de ya hemû kurdan e. Rêxistin, partî û dîtinên me yê sekna jiyanê çi dibe bila bibe, zimanê me hevpar e, ev kampanya ji bo ziman e, encamê wêna ji bo hemû kurdan e. Ji ber vê sedemê em bang li hemû sazî, dezgeh, rîspî, rewşenbîr û kurdên cihanê dikin, ev bêrıya her tiştî kampanya we ye, ji bo zimanê we ye. Li dora vê kampanyayê bicivin, ev hêviya sed salan e ku kurd li bendê ne, em bi mafê zimên tacîdar bikin.”

Em bang li hemû kurdan dikin: Bi hevdû re xwedî li van daxwazan derkevin û bi dilgermî beşdarî vê kampanyayê bibin. Em bi vê kampanyayê dixwazin bi milyonan îmzeyan berhev bikin. Ji bo kampanyaya me her îmzeyek nirxek e, helwestek e, dengek e û xwediyê giranîyekê ye. Di vê kampanyayê de imzeyên me çiqas zêde bin, li hember xêrnexwazan wê vîn û xwesteka gelê kurd ew ê ewqas mezin bibe. Li hemû deverên cihanê jî wê dengê hîna xurtir bibe.

Ji ber van sedeman, em bi îmzayên xwe qêrînekê li cihanê belav bikin. Bila hemû cihan bizane ku kurd bi yek dengî dibêjin:

Bila zimanê kurdî bibe zimanê fermî.
Bila zimanê kurdî bibe zimanê perwerdehiyê.” (AY)

nûçeyên pêwendîdar

Komîsyona 21ê Sibatê kampanyaya îmzeyan wê ji bo kurdî bide destpêkirin

Stenbol

Stenbol

"Zimanê me nasnameya me ye"

"Zimanê Kurdî divê bi haweyekî fermî bibe xwediyê statûyeke qanûnî"

“Kampanya wê di 22’yê mehê de dest pê bike”

Divê Kurd li dora kampanyayê bicivin

Ji bo zimanê kurdî wê li sê bajaran mitîng pêk bên

Platforma Zimanê Kurdî: Zimanê Kurdî bila bibe zimanê fermî

Ji bo zimanê kurdî wê li sê bajaran mitîng pêk bên

Platforma Zimanê Kurdî: Zimanê Kurdî bila bibe zimanê fermî