Kiliçdaroglu bi guleyeke hat tehdîtkirin
Ji bo polêsên bi navê Gokan Topçu û Kadir Cihan Kargozlu ku duh di encama êrişa li Stenbol Veznecilerê de hatin kuştin li Mizgefta Fatihê merasîmma cenazeyê hat lidarxistin. Serokê Giştî yê CHPê Kemal Kiliçdaroglu ku başdarê merasîmê bû, ji hêla kesekî ve bi guleyê hat tehdîtkirin.
Kemal Kiliçdaroglu di çûyîn-hatina mizgeftê de ji hêla komekê ve hat protestokirin û çelenga CHPê jî hat perçekirin.
‘Komekê provakasyon kir’
Kiliçdaroglu ragihand ku beriya merasîmê de hêzên emniyetê wî hişyarkirine û jê re gotine ku beşdarê merasîmê nebe. Piştî merasîmê Kiliçdaroglu daxuyanî da çapemeniyê û got:
‘Ez li ber cemeatê rêz digirim. Cemeatê bi rêzgirtî mêja cenazejê kir. Lê 5-6 kesên ku ketibûn nav cemeatê provakasyon kir. Qêr kirin ku cemeatê proveke bikin. Hevalno nabe ku li mizgeftê siyaset were kirin.’
Kiliçdaroglu wiha got: ‘Piştî mêjkirinê, dema ku ez ji ber serokomarê berê, serokwezîr û wezîran derbas dibûm kesekî ji pişt protokolê qêr kir û vê guleyê avête min.’
Kiliçdaroglu derbarê gefxwarina li dijî wî de wiha got: ‘Qaşo wê gefa mirinê li min bixwin. Feriştahê wî kesê jî were nikare min ji riya min şaş bike. Eger ku mirina min ji bo gelê min be, bila canê min feda be. Ya min diêşîne ew e ku ev bûyerana li ber çavên emniyetê pêk tên.’
Kiliçdaroglu dawiyê de got: ‘Ji me re gotin ku tedbîrên xwe bi xwe hilînin. Ji vir pê ve em ê tedbîrên xwe bi xwe hilînin. Em ê bibînin ka kî çawa mudaxele dike. Tu kes nikare me bêzar bike.’
(EKN/YO)