Kesê bi navê Selçûk Tengîoglû, piştî merasîma bîranînê ya Cîgirê Serokê Meclisê û Parlamenterê Stenbolê yê DEM Partiyê Sirri Sureyya Onder ku li Navenda Çandê ya Ataturk (AKM) hat lidarxistin, êrîşî Serokê Partiya Gel a Komarî (CHP) Ozgur Ozel kiribû. Tengîoglû hate girtin.
Sirri Sureyya Onder koça dawî kir
Li gorî nûçeya Ajansa Anadoluyê piştî êrişa li dijî Ozel, Selçûk Tengîoglû (66) hat desteserkirin. Kar û barên îfadeyê yê Tengîoglû, li Rêvebiriya Şaxa Asayîşê ya Stenbolê bi dawî bû. Piştî kontrola tenduristiyê, êrişkar birin Edliyeya Stenbolê ya li Çaglayanê.
Îfadeya êrişkar Tengîoglû li dozgeriyê hat girtin û dozger bi tohmeta ku “bi qestî kesê ku wezîfeya xwe ya cemaweriyê pêk aniye birîndar kiriye” bi daxwaza girtinê şand dadweriya cezê û aştiyê.
Dadweriyê biryara girtina gumanbar da.
Cenazeyê Sirri Sureyya Onder wê sibê bê definkirin
Çi bûbû?
Kesê bi navê Selçûk Tengîoglû di 4ê Gulanê de piştî merasîma bîranînê ya Cîgirê Serokê Meclisê û Parlamenterê Stenbolê yê DEM Partiyê Sirri Sureyya Onder ku li Navenda Çandê ya Ataturk (AKM) hat lidarxistin, êrîşî Serokê Partiya Gel a Komarî (CHP) Ozgur Ozel kiribû.
Sirri Sureyya Onder di 3ê Gulanê de li nexweşxaneya ku lê dihat dermankirin koça dawî kiribû.
(AY/VC)
