Jimara xwenîşandarên li Bolîvyayê hatine kuştin bûye 23
Li Bolîvyayê xwenîşander dewletê protesto dikin. Serokê Meclisa Senatoran a şaxa bilind a Meclisa Qanûndanînê ya Pirnetew (ALP) wek seroka dewletê ya berwext hatibû îlankirin lê xwenîşandan nesekinîn.
Piştî hilbijartina 20ê cotmehê ya li Bolîvyayê mixalefetê îdia kiribû ku di hilbijartinê da dek û dolab hatin kirin li ser vê herdu aliyan bangî piştgirên xwe kiribûn ku derkevin kuçeyan.
Piştî encamên binîqaş ên hilbijartinê mixalefetê gotibû bira hilbijartin were betalkirin û careke din herin ser sandiqê, Evo Morales jî diyar kiribû ku ew ê ji nû va herin ser sandiqê. Piştî vê mixalefetê gotibû Morales bira nekeve hilbijartinê, heke têkevê jî wê çalakiyan bidomînin.
Morales li ser daxwaza artêşa midaxeleyî çalakiyên tundiyê û yên mixalifan nekir û zora mixalefetê diyar kir ku îstifa kiriye.
Meksîkayê pêvajoya li Bolîvyayê wekî "derbe"yê nirxandibû û teklîfa îlticayê dabû Morales, li ser vê Morales çûbû Meksîkayê.
Jeanine Aneza Alîkara Serokê Meclisa Senatoran a şaxa bilind a Meclisa Qanûndanînê ya Pirnetew (ALP) wek seroka dewletê ya berwext hatibû îlankirin.
Çi bûbû?
Serfermandarê Artêşa Bolîvyayê Williams Kalimanî bi danezanekê ji Evo Morales, Serokdewletê Bolivyayê daxwaz kiriye ku dest ji wezîfeya xwe berde.
Moralesî jî diyar kiriye ku ji bo li welêt aştî çêbe wî ji dest ji wezîfeya serokatiyê berdaye.
Li Bolîvyayê di 20ê Çiriya Pêşiyê de hilbijartin pêk hatibû, Moralesî ji sedî 47,8 deng wergirtibû. Lê mixalifan îdia kiribû ku destwerdan di hilbijartinê de bûye û dest bi xwenîşandan û çalakiyên tundkariyê kiribûn.
Piştî vê rewşê Williamas Kalîmanî daxwaz ji Moralesî kiribû û xwestibû dest ji wezîfeyê berde.
Kalîman di danezanê da wiha gotiye:
"Li welêt pevçûn zêde bûn û ji bo ku di van pevçûnan da ewlehiya gel were parastin, mafê jiyana gel were misogerkirin, ji bo ku şîdet bisekine û bi armanca parastina qencî û aramiya Bolîvyayê em pêşniyaz dikin ku Serokê Dewletê Evo Morales dest ji wezîfeyê berde. Em ji gel û girseyên ku xwepêşandanan li dar dixin jî dixwazin ku ji bo xwîn nerijê û malbatên me li ber xwe nekevin bira bûyerên tundkariyê bi dawî bibin."
Moralesî dest ji wezîfeyê berdaye
Evo Morales, Serokê Dewleta Bolîvyayê li Chapareya Cochabambayê ku çendîn roj in bûyer lê çêdibin, civîna çapemeniyê li dar xistiye. Alîkarê Serokê Dewletê Alvaro Garcia Linera jî beşdarî civînê bûye. Morales di civînê da diyar kiriye, ji bo ku pêşengên mixalif Carlos Mesa û Luis Fernando Camacho zêdetir zirarê nedin gel, wî biryara îstifayê da.
Carlos Mesa û Luis Fernando Camacho çalakiyên tundî yê li welêt organîze kirine.
(MB)
*Çavkanî: arşîva bianetê û İbrahim Atmaca|AA