Ji bo nûçeya tirkî / ingilîzî bitikîne
Zarakolu carekê hatibû girtin piştre jî hatibû berdan. Piştî 6 salan ji nû ve di derbarê wî de biryara lêgerîna bi bultena sor hatiye derxistin. Dadgehên Tirkiyeyê ji bo ev biryar bê pejirandin niha şandine Rêvebirîtîya Giştî a Têkilîyên Derve ên Navnetewî. Dadgeh li benda birayar înterpolê ne. Ragıp Zarakolu li ser vê biryarê got; “Ji tacîz û bêrêzîyê pêştir tu wateya vî karî tune ye.”
Cezayekî di navbera 5 û 15 salan de ji bo Zarakoluyê nivîskar û weşanger tê xwestin.
Zarakolu ji alîyê 14emîn Dadgeha Cezayê Giran a Destûrmenda Taybet ve di Cotmeha 2011an bi tohmeta “alîkarîya sazîyên îllegal” hatibû girtin û di Nîsana 2012an de hatibû berdan.
Sûcdarkirina wî jî axaftina wî ya ku di vekirina Akedemîya Sîyasetê a Partîya Azadî û Aştîyê de kiribû ye.
Piştî vê bûyerê bi 6 salan, Zarakolu careke din ji alîyê Mehkemeya Cezayê Giran a 3. a Stenbolê ve bi heman sûcî tê sûncdarkirin û dadgehkirin.
Dadgehê di 7ê Hezîrana 2018an de bi sebeba ku tevlî dadgehan nabe di derheqa Zarakolu de biryarên “girtina wî û bi zorê anîna wî” û “lêgerîna bi bûltena sor” daye. Zarakolu ji sala 2013an ve li Swêdê dimîne.
“Ne hewceyî Lêgerîna bi bultena sor e”
Parêzera Zarakolu, Sennur Baybuğ di derbarê meseleyê de bi Bianetê re axivî û wiha got:
“Mehkemeyê birayara lêgrîna bi bultena sor daye. Paşêji bo bê pejirandin niha şandine Rêvebirîtîya Giştî a Têkilîyên Derve ên Navnetewî. Niha jî li benda biryara înterpolê ne lê hîn bersivek ji înterpolê nehatiye.
“Di holê de ji bo lêgerîna bi bultena sor hewceyîyek tine ye. Jixwe min navnîşana Ragıp Zarakolu daye û min taleba guhdarkrirna wî îstînabeyê kiriye.
“Gotin em ê guhdariya wî bi îstînabeyê bikin û em ê di derheqê wî de biryara lêgerîna bi bultena sor nedin. Piştî celseyeke din Di derheqê wî de biryara lêgerîna bi bultena sor dan û gotin ku daxwaza îstînabeyê di suncên di vî şiklî de nayê kririn.
“Lê Ragıp Zarakolu di vê dosyeyê de bi 5-15 salan tê dadgehkirin. Mesela di daweya Ozgur Gundemê de Zarakolu bi daxwaza muebbetê dihate dadgehkirin lê daxwaza me yî îstînabeyê pejirandibûn.
“Min îtîraz li biryara mehkemeyê kiriye lê hÎn encamek derneketiye”
(EKN/VU/MB)
*Vahdet Uçarê ev nûçe ji zimanê tirkî wergerandiye zimanaê kurdî.
.jpg)
