Ji bo nûçeya tirkî bitikîne
Ji bo Rojnamegeran Atolyeya Medyaya Nû ya ku Weqfa Ragihandinê ya IPS/bianet çêdike bi beşdariya beşdarên ji bajar û zanîngehên cuda hatine di roja çarem de bi atolyeya sêyem berdewam kir.
Ahmet Sabanciyî behsa rêbazên bikaranîna bi ewle ya navgînên dijîtal kir ku ne tenê ji bo rojnamegeriyê her weha di jiyana rojane de jî hûn dikarin bi kar bînin.
Sabanciyî got; “Li gorî yasayên li Tirkiyeyê ji sala 2014an û vir ve divê daneyên dijîtal ên du salên dawî ji hêla dabînkerên înternetê werin veşartin. Êdî li cîhanê jî rojnameger, aktivîst, hiqûqnasên muxalif dibin hedef. Li pişt hin program û dokumantên bizerar dewlet derdikevin. Êdî li Tirkiyeyê jî em nûçeyên bi vî awayî dibînin ku dewlet program û dokumantên bi vî awayî bi kar tînin”.
Ewlehiya dijîtal çi ye?
Ewlehiya dijîtal ew e ku “kompûtera hûn bi kar tînin tenê tiştê ku hûn dixwazin bike û tenê ew kesên ku wan destûra wan daye bi karibin him amrazên we û him jî tiştên di nava wan de bi kar bînin.”
Li gorî Ahmet Sabanciyî ji ber ku ewqas kêmasî di ewlehiyê de hene her çiqas em nebin hedef jî gelek caran hemû bikarhêner zerarê dibînin.
Derbarê Ahmet Sabanciyî de
Nivîskar, rojnameger û wergêr. Beşa felsefeyê ya Zanîngeha Mîmar Sînanê qedandiye. Li ser mijarên weke felsefe, mafên mirovan, azadiya xweîfadekirinê, teknolojî, ewlehiya zanînê/ewlehiya dijîtal, xebatên dahatê kar dike. Yek ji avakarên Mint360ê ye. Hûn dikarin xebatên wî li ser ahmetsabanci.com û tuhafgelecek.com ê bibînin.
| Ji bo Rojnamegeran Atolyeya Medyaya Nû çi ye? | |
Weqfa Ragihandinê ya IPSyê/Tora Ragihandinê ya Serbixwe "Ji bo Rojnamegeran Atolyeya Medyaya Nû" saz dike. Bi vê atolyeyê dixwaze ji bo rojnamegerên ji saziyên cuda cuda ên medyayê, rojnamegerên bêkar hatine hiştin û xwendekarên fakulteyên ragihandinê yên di beşên rojnaemgerî û radyo û televizyonan de dixwînin atolyeyan çêbikin. Ev bername bi piştevaniya Ajansa Geşepêdanê ya Navnetewî ya Swêdê (SIDA) ve bi rê ve dize. Di çarçoveya bernameyê de wê li ser mijarên weke "Rojnamegerî, Têgihiştina Nûçegîhaniyê, Nûçegîhaniya Zayendparêziyê, Rojnamegeriya Aştîxwaz, Di Rojnamegeriyê de Rola Medyaya nû, Ji bo Rojnamegeriyê Navgînên Dijîtal, Ewlehiya Dijîtal û Wênekêşiya ji bo Nûçeyan" bên sekinandin. "Ji bo Rojnamegeran Atolyeya Medyaya Nû" di 7ê Hezîranê de dest pê kir û wê heta 13ê Hezîranê berdewam bike. Di roja yekê ya bernameyê de Tûgrûl Eryilmazî atolyeya "Destpêka Rojnamegeriyê" û Pinar Îlkîzê jî ya "Di Nûçeyê de Medyaya Nû" çê kir. Di roja duyê de Ozcan Yurdalan li ser Wênekêşiya ji bo Nûçeyan, Pinar Îlkîz li ser Ji bo Rojnamegeriyê Navgînên Dîtbarkirinê, Dr. Tîrşe Erbaysal Filibelî li ser Nûçegîhaniya Aştîxwaz sekinî. |
(YT/HK/FD)
