Ji bo Çîgdem Mater azad bibe kampanya hatiye destpêkirin
Ji bo nûçeya tirkî / îngilîzî bitikîne
Çîgdem Materê bi tohmeta ku ‘alîkarî daye hewldana hilweşandina hukumetê’ di doza Geziyê de 18 sal cezayê girtîgehê stendibû. Ji bo Materê kampanya hatiye destpêkirin.
Di hesabê Twîtterê yê bi navê '@freecigdemmater'ê de hatiye diyarkirin ku kesên dixwazin peyaman ji bo Matera ku li Girtîgeha Girtî ya Jinan a Bakirkoyê girtiye bişîne, dikarin peyamên xwe bigihîne ber deste wan. Her weha hatiye destnîşankirin ku nûçeyên têkildarî Çîgdem Materê dê li ser vî hesabî were şopandin.
Dadgehê bi tohmeta ku hewl daye hikûmetê hilweşîne cezayê muebbeta girankirî li Osman Kavala û bi tohmeta ku alîkariya vî sûcî kirine 18 sal cezayê girtîgehê li Mucella Yapici, Cîgdem Mater, Hakan Altinay, Mîne Ozerden, Can Atalay, Tayfûn Kahraman û Yîgîtt Alî Ekmekçî birîbû.
Bixwîne- Dadgehê cezayê muebbeta girankirî li Kavala û 18 sal ceza jî li 7 kesan birî
Bixwîne- Çîgdem Mater ji bo doza Geziyê ji Almanyayê hatibû
Derbarê Çîgdem Materê de
Sînemakar, fîlmçêker, rojnameger. Belgefîlm, kurtefîlm û fîlmên metraj dirêj kişandine.
Yaban (2022/ Pêşbirka Netewî ya Festîvala Fîlman a Stenbolê), Ah Asuman (2019), Silivri'den mektuplar ( 2019), Sivas (2014), Soluk (2019), Toz Bezi (2015), Sivas (2014) û Çoğunluk (2010) hinek ji fîlmên wê ne ku li Tirkiyeyê û derveyî Tirkiyeyê xelat wergirtine.
Çêkera bicihanînê ya fîlmê Weldiyê ya Mohamed Ben Attiayî û belgefîlma İnsal Seli ya Ai Weiweiyî ye ku li Tirkiyeyê hatibû kişandin.
Koordînatora berpirs a programa Kafkasyayê Anadolû Kulturê ( 2005-2009), Koordînatora Navenda Fîlman a Mîthat Alamî ya Zanîngeha Bogazîçiyê (2009-2010) û Koordînatora Tirkiyeyê Platforma Sînemayê ya Tirkiye-Ermenistanê.
Di navbera 1997-2005ê de li saziyên medyayê yên navnetewî yê mîna BC News, Boston Globe, Sky News, Radio France International, ARTE, Le Nouvel Observateur, Los Angeles Timesê weke wergêr, çêker û nûçegîhan kar kiriye.
Li Zanîngeha Anadolûyê beşa sînemayê û li Zanîngeha Marmarayê jî di beşa zanistên ragihandinê de mastera xwe qedandiye.
Bitikîne- Derbarê heşt girtiyên "Gezi"yê de
(EMK/AY)
