Ji ber parvekirinên li medyaya civakî lêpirsîna 182 kesan hatiye destpêkirin

Ji bo nûçeya tirkî bitikîne

Wezareta Karên Navxweyî îro eşkere kiriye ku wezaretê li hesabên medyaya civakî yên 227 kesan nêriye û ji ber parvekirinên li medyaya civakî lêpirsîn li 182 kesan hatiye vekirin.

Di mehekê de ji wan kesên lêpirsîn li ser hatî dest pê kirin 11 kes hatine girtin.

Wezaretê diyar kiriye ku bikarhênerên medyaya civakî bi parvekirinên xwe ev sûc kirine:

“Propagandaya ji bo rêxistinên terorî, pesindana wan rêxistinan, eşkereyî diyarkirina têkiliya wan a bi rêxistinên terorî re, xelkê sewqî kîn û nefretê kirin, hewildanên li dijî yekparçetiya dewletê û ewlehiya civakê.”

Bixwîne - Lêpirsîna "dolarî" li hesabên medyaya civakî hatiye vekirin

Dolar û manîpûlasyon

13ê Tebaxa 2018ê piştî ku nirxê dolarê Amerîkayê li hemberî pereyê tirkan bilind bû û li Tirkiyeyê nîqaşa krîza aboriyê derket, Midûreyeta Giştî ya Emniyetê aşkere kir ku wan lêpirsîn ji bo 346 hesabên medyaya civakî vekiriye. Li gorî daxuyaniya Midûriyeta Emniyetê xwediyê van hesaban “manîpulasyonê li ser nirxê dolarî dikin û nêrîneke neyênî çêdikin.”

(AS/MB)