Fotograf: MA
Ji bo nûçeya tirkî / ingilîzî bitikîne
Ev şeş roj in ku li Xozatê, navçeya Dêrsimê agir bi daristanê ketiye û ew agir nayê vemirandin.
Seyfî Geyîk, Şaredarê Xozatê ji bianetê re got ku, li herêmê operasyona leşkerî heye û ji ber wê jî destûrê nadin wan da ku biçin herêmê. Geyîkî diyar kir ku ji ber wê ew nikarin midaxele li şewatê bikin.
Geyîk wiha axivî: Geyik, "Min xwest ez biçim herêma ku şewat lê derketiye lê bi sedema ewlehiyê destûr nedan. Wesayitên agir vemirandinê û yên karî nikarin biçin. Ez bi Walî Begî re axivîm, wî got, operasyon dewam dike û ji ber sedema ewlehiyê wî ne mimkun e ew bihêlin sivîl biçin herêmê. Ez ê careke din pê re biaxivim û hewl bidim ku sibê biçim herêmê."
Geyîkî destnîşan kir ku têkiliya wan a bi gundên derdorê re heye û gundiyan ji wî re gotiye, şewat her roja diçe berfirehtir dibe.
Gundên li derdorê di salên 90î de hatine valakirin
Geyîkî di berdewamiyê de got ku agir li gundikê Koçeriyê destpê kiriye û ber bi herêma Danzikê ve berfireh bûye û ew nizanin bê ka çiqas der û ber şewitiye.
Li gorî zanyariyên ku Geyikî dan, li herêmê cih û war nînin û ew der bi sedema ewlehiyê di salên 1990î de hatine valakirin û herêma ewlehiya taybet e.
Di vê navberê de Federasyon Komeleyên Dêrsimê (DEDEF) li ser hesabê xwe yê Twitterê derbarê agirî de vîdeoyek weşandiye û wiha gotiye:
"Şewata ku li Xozatê derketiye bi rojan e dewam dike! Li Pulur û Xozatê gelek cih û war di bin dûmanê de mane. Li Dêrsimê ji şewata daristanê re bibêje bisekine!"
Hozat'taki yangın günlerdir sürüyor!
— DEDEF (@Dersim_DEDEF) August 23, 2021
Ovacık ve Hozat'taki birçok yerleşim alanı duman altında.
DERSİM'DE ORMAN YANGININA DUR DE!@FatihMacoglu @PolatSaroglu @onlu_alican @AlihaydarBen62 @dersimkultder pic.twitter.com/HxvE7vYSZt
(KÖ/FD)
