Ji bo nûçeya tirkî bitikîne
Weqfa Umutê ji bo ku balê bikşîne ser biçekbûna şexsî û zêdebûna tundkariya çekdarî kar dike. Weqfê Nexşeya Tûndkariya 2022an a Tirkiyeyê weşandiye.
Li gorî rapora ku weqfê ji nûçeyên ku di medyaya herêmî û neteweyî de hatin weşandin, amade kiriye, 3 hezar û 984 bûyerên tundkariya çekdarî di çapemeniyê de cih girtine. Di van bûyerên tundkariya çekdarî de li seranserê Tirkiyeyê, 2 hezar û 278 kes hatine kuştin û 4 hezar û 231 kes jî birîndar bûne.
Di bûyerên tundkariya çekdarî de di 616an (ji sedî 15,46) de amûrên weke birek û kêr û 3 hezar û 368 (ji sedî 84,54) kuştin jî bi çekên guleber hatine kirin.
Herêma ku herî zêde bûyerên tûndkariya çekdarî tê de pêk hatiye Herêma Marmarayê ye. Çapemeniyê nivîsandiye ku li Herêma Marmarayê hezar û 136 bûyerên tûndkariya çekdarî pêk hatiye û di van bûyeran de 560 kes mirine û hezar û 218 kes jî birîndar bûne.
Piştî Herêma Marmarayê hejmara bûyerên tûndkariya çekdarî li herêmên din weha ne:
Derya Spî 571 bûyer, Başûr Rojhilatê Anatoliyayê 566, Derya Reş 543, Anatoliya Navîn 463, Ege 459 û 246 Rojhilatê Anatolyayê.
(AO/AY)
