Meclîsa Ewlehiya Kar û Tenduristiya Karkeran(ÎSÎG) rapora xwe a meha Hezîranê a têkildarî mirina karkeran aşkere kir.
Li gorî raporê di meha Hezîranê de herî kêm 164 karker di dema karkirinê de mirine.
Di şeş mehên destpêkê ên sala 2025an de, hejmara karkerên di dema karî de mirine gihîştiye 961 kesan. Di meha Kanûna Paşiyê de 180, di Sibatê de 124, di Adarê de 159, di Nîsanê de 156 û di Gulanê de 178 kes li ser kar mirine.
Di meha Hezîranê de 47 karker di beşa pîşesaziyê de, 39 karker di xizmetguzariyê de, 40 karker di beşa avahîsaziyê de û 38 karker jî di beşa çandiniyê de mirine.
ÎSÎG: Di meha Gulanê de 177 karker mirin e
Herî zêde mirinên karkeran di sektorên weke înşaet, çandinî, veguhastin, bazirganî/nivîsgeh/perwerde/sînema, şaredarî/karûbarên giştî, metal, maden û enerjiyê de çêbûne.
4 ji kesên ku di vê mehê de mirine zarokên karker bûn. Sê ji zarokên ku mirine di beşa çandiniyê de û yek jî di beşa metalê de dixebitin. Her wiha di vê mehê de 15 jin û 5 karkerên koçber jiyana xwe ji dest dan. Çar ji karkerên koçber Sûrîyeyî û yek jî Afganî bûye.
Tenê ji karkerên ku mirine jê 3 (ji sedî 1,82) endamên sendîkayê bûn. 161 karker (ji sedî 98.18) ne sendîkayî bûn.
Li gorî daneyên Meclîsa ÎSÎGê di sala 2024an de 1897 karker di dema karkirinê de mirine.
Di sala 2024an de her roj 5 karker di dema karkirinê de mirine
(HA/AY)
