Meclîsa Ewlehiya Kar û Tenduristiya Karkeran(ÎSÎG) rapora xwe a meha Gulanê a têkildarî mirina karkeran aşkere kir.
Li gorî raporê di meha Gulanê de herî kêm 177 karker di dema karkirinê de mirine.
Di pênc mehên destpêkê ên sala 2025an de, hejmara karkerên di dema karî de mirine gihîştiye 796 kesan. Di meha Kanûna Paşiyê de 180, di Sibatê de 124, di Adarê de 159 û di Nîsanê de 156 kes li ser kar mirine.
Di meha Gulanê de 54 karker di beşa pîşesaziyê de, 50 karker di xizmetguzariyê de, 38 karker di beşa avahîsaziyê de û 35 karker jî di beşa çandiniyê de mirine.
Herî zêde mirinên karkeran di sektorên weke înşaet, çandinî, veguhastin, bazirganî/nivîsgeh/perwerde/sînema, şaredarî/karûbarên giştî, metal, maden û enerjiyê de çêbûne.
6 ji kesên ku di vê mehê de mirine zarokên karker bûn. Sê ji zarokên ku mirine di beşa çandiniyê de, du di beşa metalê de û yek jî di tekstîlê de dixebitin. Çar karkerên ku mirine temenê wan ji 65 salî û mezintir bû.
Her wiha di vê mehê de 12 jin û 7 karkerên koçber jiyana xwe ji dest dan. Pênc ji karkerên koçber Sûrîyeyî, yek Azerî û yek jî Îranî bûn.
Tenê ji karkerên ku mirine jê 8 (ji sedî 4,52) endamên sendîkayê bûn. 169 karker (ji sedî 95.48) ne sendîkayî bûn.
Li 54 bajarên Tirkiyeyê mirinên têkildarî kar çêbûne.
Du kes temenê wan di bin 14î bû
Dabeşkirina mirinên di dema karî de li gorî komên temenî di meha Gulanê de wiha ye:
o 4 karker di navbera 15-17,
o 2 karker ji 14 û berjirtir,
o 25 karker di navbera 18-27
o 84 karker di navbera 28-50,
o 52 karker di navbera 51-64,
o 4 karker 65 û berjortir bûye.
Meclîsa ÎSÎGê Temenê 6 karkeran nehatiye zanîn.
(HA/AY)
