Ji bo nûçeya Tirkî / İngilîzî bitikîne
Fermandariya Operasyonên Hevbeş a Iraqê diyar kiriye ku îdiayên dibêjin Tirkiye beşdarî Operasyona Mûsilê bûne derew e.
Li gor AFPyê ‘’Fermandariya Operasyonên Hevbeş a Iraqê îdiayên ku diyar dike Tirkiye beşdarî operasyona azadkirina Nînovayê(Vîlayeta Mûsil paytextê wê ye) bûye derewand.’’
Yildirim: Me piştgirî da
Bînalî Yildirimî di civîna 25. a AKP(Partiya Dad û Geşepêdanê) gotiye: ‘’Hêzên Pêşmergeyan ji bo paqijkirina Başîkayê ji DAIŞê dest bi operasyonan kiriye. Pêşmergeyan ji fermandariya me ya li Başîkayê alîkarî xwestine wan jî bi bombeyan piştgirî daye wan.’’
Îbadî: Em hewceyî piştgiriya Tirkiyeyê ne
Serokwezîrê Tirkiyeyê duhî dabû zanîn ku ji bo opersyona li dijî DAIŞê hewceyîya wan li Tirkiyeyê nîne. Îbadîyî gotiye:
‘’ Ez dizanim ku Tirkiye dixwaze beşdar bibe. Spas ji wan re. Lê ev tiştekê welê ye ku Iraq dikare ji-heq bê der. Heke lazim bike em ê ji Tirkiyeyê û welatên dî alîkariyê bixwazin.’’
Ji milekê ve û ji milê dî ve
Bînalî Yildirimê serokwezîr di komcivîna AKPyê(Partiya Dad û Geşepêdanê) de di 18ê Çiriya Pêşiyê de gotiye: ‘’Hêzên me yên asîmanî jî tevlî Operasyona Mûsilê bûn.’’
Piştî civînê Yildirimî ji rojnamegeran re gotiye:
‘’Dema [balafir] hatin bi kar anîn dê di nav Hêzên Hevpeyman de be. Bi prensîban me li hev kiriye. Dema daxwaz bê kirin yên me jî dê beşdarî koalîsyonê bibin.’’(YY/MB)
*Me ev nûçe ji BBC, Deutsche Welle û Sputnîk Newsê berhev kiriye.
