Îranê vê carê jî êrîşî Pakistanê kir, Îslamabadê jî bertek nîşanî êrîşê da
![Îranê vê carê jî êrîşî Pakistanê kir, Îslamabadê jî bertek nîşanî êrîşê da](https://static.bianet.org/haber/2024/01/17/iran-bu-kez-de-pakistani-vurdu-islamabad-saldiriya-tepki-gosterdi.jpg)
Piştî Rêveberiya Herêma Kurdistana Iraqê û Sûriyeyê, Arteşa Şoreşê ya Îranê bi mûşek û balafirên bêmirov êrişî Pakistanê kir.
Li gor nûçeya ajansa Tesnîmê a Îranê, di êrîşên li dijî Pakistanê de 2 baregehên koma çekdar a "Ceyş’ul Adl" (Artêşa Edaletê) bûne armanc.
![Îranê bi mûşekan êrîşî Hewlêrê kir: 4 kes mirin](https://static.bianet.org/list-haber/2024/01/16/irane-bi-musekan-erisi-hewlere-kir-4-kes-mirin.jpg)
Îranê bi mûşekan êrîşî Hewlêrê kir: 4 kes mirin
Îslamabadê bertek nîşanî Tehranê da
Ji aliyê din ve Wezareta Karên Derve ya Pakîstanê têkildarî êrîşên Îranê yên bi mûşek û balafirên bêmirov daxuyaniyeke nivîskî da.
Li gorî nûçeya Ajansa Anadolûyê, di daxuyaniyê de hat destnîşankirin ku binpêkirina serweriya Pakistanê bi ti awayî nayê qebûlkirin û ev êrîş wê bibe sedema encamên cidî.
Di daxuyaniyê de binpêkirina bêhiqûqî ya qada hewayî ya Pakistanê ji aliyê Îranê ve bi tundî hate şermezarkirin û hate gotin ku di êrîşê de 2 zarok mirine û 3 zarokên keç jî birîndar bûne.
![Tirkiyeyê li Bakur û Rojhilatê Sûriyeyê bi dehan dever bombebaran kirin](https://static.bianet.org/list-haber/2024/01/15/tirkiyeye-li-bakur-u-rojhilate-suriyeye-bi-dehan-dever-bombebaran-kirin.jpg)
Tirkiyeyê li Bakur û Rojhilatê Sûriyeyê bi dehan dever bombebaran kirin
Wezaretê diyar kir ku di navbera Pakistan û Îranê de hin kanalên pêwendiyan hene, ev êrîş wek 'çalakiya neqanûnî' bi nav kir û got, "Berteka tund a Pakistanê ji rayedarên payebilind ên Wezareta Karên Derve ya Îranê re hat ragihandin."
Di daxuyaniyê de hat destnîşankirin ku "Pakistan her dem tekez kiriye ku teror metirsiyeke hevpar e ji bo hemû welatên herêmê" û pêwîstî bi tevgereke hemahengî heye û wiha hat gotin: "Çalakiyên bi vî rengî yên yekalî ne li gorî cîrantiya baş in û dikarin zirareke mezin bide pêbaweriya dualî.”
(VC/AY)