Îranê bi 100 balafirên bêmirov ên biçek li dijî Îsraîlê dest bi êrişê kir
Berdevkê artêşa Îsraîlê Avichay Adraee li ser platforma civakî ya Xê li ser êrişan daxuyaniyek belav kir.
Berdevkê artêşa Îsraîlê Avichay Adraee got:
“Di çend saetên borî de Îranê zêdetirî 100 dron ber bi Îsraîlê ve şandine û hemû pergalên parastinê mijûlî xistina wan in.”
Îsraîlê êrişî tesîsên nukleerî û baregehên leşkerî yên Îranê kir
Êrişên Îsraîlê yên li ser Îranê
Îsraîlê vê sibehê nêzîkî saet 03:01an bi mûşekan tesîsên nukleerî û baregehên leşkerî yên Îranê bombebaran kirin.
Di êrişan de Sererkanê Giştî yê Îranê Mihemed Baqirî, Fermandarê Giştî yê Supaya Pasdaran Husên Selamî, Fermandarê Biryargeha Navendî ya Xatemul Enbiya Xulam Elî Reşîd, Serokê Zanîngeha Azad Mihemed Mehdî Tehrançî û Serokê berê yê Rêxistina Enerjiya Atomî ya Îranê Fereydûn Ebasî hatin kuştin.
Di êrîşên Îsraîlê yên li ser Tehranê de, li deverên sivîlan jî êrîş hatin kirin û gelek sivîlan jiyana xwe ji dest dan.
(AY)
*Çavkanî: Rudaw, MA
