Li Îranê piştî bidawîbûna dema NOTAMê (agahdarkirina balafirvaniyê), asmanê welêt careke din ji bo geştan hat vekirin.
Di çarçoveya NOTAMa şeva borî de geştên hewayî hatibûn sînordarkirin û heta saet 06:30ê vê sibehê berdewam kir. Piştî vê demê qedexeya geştên hewayî rabû.
Piştî vekirina asmanê welêt, li herêma agahdarkirina firînê ya Tehranê gav bi gav asayîbûn çêbû û hat dîtin ku di firînên navneteweyî û herêmî de asmanê Îranê dîsa tê bikaranîn. Geştên hewayî li Îranê bi qasî 5 saetan qedexekirî bû.
HRANA: Di xwepêşandanên Îranê de 2 hezar 550 kes mirin e
Çi bûbû?
Xwenîşandanên li Îran û Rojhilatê Kurdistanê 28ê Kanûna Pêşîn a 2025an ji ber bêqîmetbûna pereyê Îranê û pirsgirêkên aborî li Çarşiya Mezin a Tehranê bi çalakiya esnafan dest pê kiribûn û paşê jî li gelek bajaran belav bûbûn.
Ajansa Nûçeyan a Çalakvanên Mafên Mirovan a Îranê (HRANA) di rapora xwe ya 14ê Kanûna Paşîn de ragihandibû ku 2 hezar û 403 xwepêşander mirin e ku 12 ji wan zarokên di bin 18 saliyê de ne. Her weha di pevçûnan de 147 endamên hêzên ewlehiyê jî mirine. Di bûyeran de hezar û 134 kes birîndar bûne û 18 hezar û 434 kes hatine desteserkirin.
Her wiha înternet jî ji 9ê Kanûna Paşîn ve li seranserê welêt hatiye qutkirin.
(EMK/AY)
Çavkanî: Rûdaw, AA
