Sererkanê Leşkerî yê Îranê Mihemed Baqirîyî diyar kiriye ku Artêşa Mihafizên Şoreşê ji Hûsiyên Yêmenê ra şêwirmendiya leşkerî dike.
Baqirî ji têlevîzyona "Phoenix"ê ya Çînê ra axivîye û der heqê tevkariya eskerî ya navbera Îran û Hûsiyên li Yêmenê da agahî daye.
Baqirî diyar kir ku Artêşa Mihafizên Şoreşê ji Hûsiyan ra "şêwirmendiya eskerî û piştgiriya fikrî" dike û wiha dewam kir: "Ji bo ku îşxalê dawî bikin ew ê heya dawîn ligel gelê Yêmenê bin."
Baqirî îdiayên ku dibêjin Îranê ji Hûsiyan ra fuze şandin jî red kir û îdia kir ku vê gavê meriv nikare ji Yêmenê ra derman jî bişîne.
Baqirî parast ku "Amerîka curet nake ku bi wan ra şer bike" û "Hêzên çekdar ên Îranê ji bo her şerî amade ne."
Sererkanê Îranê got ku ew ê bi meha berfanbarê da bi Rûsyayê ra li bakurê Okyanusa Hindê û başûrê Behra Umanê tetbîqata eskerî ya hevpar bikin û artêşa Çînê jî wê beşdar bibe.
(MB)
İbrahim Atmaca |AA
