Şaxê Stenbolê yê Komeleya Mafên Mirovan (ÎHD) li ber Girtîgeha Girtî ya Jinan a Bakirkoyê daxuyaniyek da. Komeleyê diyar kir ku Paketa Darazê ya 10emîn a li Meclîsê hate qebûlkirin, bersiv neda bendewariyan.
Her weha komeleyê destnîşan kir ku bi taybetî ji bo berdana girtiyên nexweş divê gavên bi lez bêne avêtin.
Rêveberê Şaxê Stenbolê yê ÎHDê Hasan Yavîş daxuyanî da û diyar kir ku guhertina hatiye kirin 'li dijî pîvana wekheviyê ye' û got, biryarên kêfî yên Saziya Tipa Edlî li pêşiya berdanê asteng e.
Yavîç got, "Girtiyên nexweş bi salan e ji sîstemeke înfazê ya adil bêpar in. Qanûna nû vê bê edaletiyê hîn giran dike."
Hevseroka Giştî ya ÎHD'ê Eren Keskîn jî balk işand ser rewşa girtiyên nexweş û got, bêyî li benda sererastkirina qanûnî bê sekinandin divê demildest bêne berdan.
Eren Keskîn ragihand ku Fatma Tokmak a li Girtîgeha Bakirkoyê, li gel nexweşiya dil jî girtî ye û Hatîne Yildiz a 75 salî tenê ji ber ku pere ji xizmên xwe re şandiye li girtîgehê ye.
Eren Keskîn got, "Li gorî daneyên me hezar û 412 girtiyên nexweş hene. Em dixwazin girtiyên nexweş bi lez, bêyî pêwîstî bi qanûnê bê dîtin, tavilê bêne berdan."
(AY)
