Hunermendên queer wê pêşangeheke dîjîtal li dar bixin

Ji bo nûçeya tirkî bitikîne

Hunermendên queer ên ji Tirkiye û Hollandayê wê 1ê Îlonê Roja Aştiyê ya Cîhanî di pêşangeha “Through The Window” de werin cem hev.

Bi vê projeyê ji Tirkiyeyê 10 û ji Hollandayê jî 10 hunermendên queer ji bo ku derfetên xwe yên piştgiriyê berfirehtir bikin, wê bi awayekî online li hev bicivin.

Di pêşangehê de fotograf, wêne, vîdeo û deng hene ku di navbera mehên Tîrmeh û Tebaxê de di navbera Stenbol û Amsterdam Prideyê de hatine amadekirin.

Balyozxaneya Stenbolê ya Hollandayê jî piştgirîyê dide projeyê. Hevpeyvînên pêşangehê nivîskar û felsefevanê ji Hollandayê Simon(e) van Saarloos wê bi rê ve bibe. Di pêşangehê de her wiha wê partiyên online jî hebin.

Omer Tevfik Erten kuratoriyê û DJ, stranbêj û aktîvîsta mafên LGBTÎ’yê Kubra Uzun jî koordînatoriya pêşangehê dike.

“Bila bibe deng û henaseya kesên bi parvekirinan dilxweş dibin"

Ömer Tevfîk Erten, kuratorê Through The Windowê û Kubra Uzun, kordînatora projeye derbarê pêvajoya amadekirina projeyê de bi bîanetê re axivîn û weha gotin:

“Pêvajoya pandemiyê ji bo me hemûyan ezmûneke nû û zihmet bû. Ew pêvajoya hê jî didome. Em hunermendên queer, DJê û xebatkarên ku şevê kar dikin yekser bêkar man. Pêşangehên me hatin taloqkirin ango betal bûn. Ji bo ku proje bibe deng û henaseya kesên bi parvekirinan dilxweş dibin, me da destpêkirin.

Hunermendên ku di pêşangehê de cîh digirin ev in:

Akiş Ka, Albertina Sybila, Ateş Alpar, Bûlût B. Sezer, Efemîne, Firat Ûran, Gayatrî Kodikal, Jaleh Nezamdoustroudsari, Joy Brandsma, Khadija El Kharraz Alamî, Magda On Cûrve, MAKHîsm, Meltem Sarikaya, Mînî Maxwell, Mîra Thompson, Ozgur Can Taşçi, Paula Chaves Bonilla, Prîns Chrîs, Ûgemfo, VÎnÎta Gatne.

Hesabê Înstagramê yê Through The Windowê: @throughthewindowproject2020

(EÖ/EMK/AY/FD)