Ji bo nûçeya tirkî / ingilîzî bitikîne
Heyetek ji Partiya Demokratîk a Gelan (HDP) Serdana Kemal Kiçildaroglû, Serokê Partiya Gel a Komarî (CHP) kiriye.
Heyeta HDPyê ji Hevserok Sezaî Temellî, Wekîlê Serokê Meclîsê Mîthat Sancar, Wekîla Serokê Koma HDPyê ya Meclîsê Fatma Kûrtalan û Alîkarê Hevserokên Giştî Alîcan Onliyî pêk hatiye.
Heyet çûye Navenda Giştî ya CHPyê û li gel Kemal Kiliçdaroglû, Serokê CHPyê kom bûye.
Li gel Kiliçdaroglûyî, Wekîlê Serokê Koma Meclîsê yê CHPyê Engîn Ozkoç, Alîkarê Serokê Giştî Ogûz Kaan Salici û Berdevkê Partiyê Faîk Oztrak jî beşdarî civînê kirine.
Di hevdîtinê de behsa biryara tayînkirina qeyûman, destûra bingehîn a nû û reforma darazê hatiye nirxandin.
“Lêgerîna çareseriya bi hev re binirx e”
HDPyê derbarê serdanê de daxuyaniyeke nivîskî weşandiye:
“Di nirxandinan de fikreke hevbeş derketiye holê ku tayînkirina qeyûman a ji bo Şaredariyên Bajarê Mezin ên Amed, Wan û Mêrdînê derbeyeke siyasî ye. Girîngiya helwesteke hevbeş a bi biryar a ku prensîb û nirxên demokratîk diparêze hatiye diyarkirin. Hatiye diyarkirin ku divê mixalefet di hemû pirsgirêkên girîng ên welêt de bi hev bişêwire û lêgerîna çareseriya bi hev re binirx e.” (AO/FD)
