Hewldana Civakî a ji bo Aştiyê li hember desteserkirinên ku duh sibehê li Îzmîrê pêk hatin bertekek tund nîşan da.
Hewldanê desteserkirina gelek kesên ku Şaredarê Bajarê Mezin ê berê Tunç Soyer jî di nav de ye şermezar kir û xwest kesên desteserkirî serbest bibin.
Daxuyanî wiha ye:
"Em îro sibehê bi operasyonek din şiyar bûn.
Di çarçoveya lêpirsîna ku serdozgeriya Komarî ya Îzmîrê birêve dibe, duh sibehê li dijî Şaredariya Bajarê Mezin a Îzmîrê operasyonek pêk hat. Di çarçoveya operasyonê de Şaredarê Bajarê Mezin ê Îzmîrê yê CHPê yê berê Tunç Soyer jî di nav de 120 kes hatin desteserkirin.
Em vê operasyona ku ne tenê neqanûnî ye, lê di heman demê de rasterast pêvajoya aştî û demokrasiyê hedef digire, şermezar dikin.”
Her weha hewldanê xwest ku Tunç Soyer û kesên hatine desteserkirin demildest bên berdan.
Li Îzmîrê li dijî CHPê operasyon pêk hat: Tunç Soyer û gelek kes hatin desteserkirin
(EMK/AY)
