Hevserokên Giştî yên DEM Partiyê çûn serdana Demîrtaş û Mizrakli
Hevserokên Giştî yên DEM Partiyê Tulay Hatîmogûllari û Tuncer Bakirhan ji bo serdana Selahattîn Demîrtaş û Selçûk Mizrakli çûn Edîrneyê.
![Hevserokên Giştî yên DEM Partiyê çûn serdana Demîrtaş û Mizrakli](https://static.bianet.org/haber/2024/01/05/demirtasin-kobani-davasindaki-beyaninin-tamami-2-4-ocak-2024.jpg)
Hevserokên Giştî yên Partiya Wekhevî û Demokrasiyê ya Gelan (DEM Partî) Tulay Hatîmogûllari û Tuncer Bakirhan serdanên xwe yên ji bo siyasetmedarên Kurd ên girtî li Edîrneyê domandin.
Li gorî nûçeya Ajansa Mezopotamyayê Hatîmogûllari û Bakirhan, ji bo serdana siyasetmedarên kurd ên girtî Selahattîn Demîrtaş û Selçûk Mizrakli, çûn Girtîgeha Hejmar 2 ya bi Tîpa T a Edîrneyê.
Hevserokên Giştî duh jî çûbûn Girtîgeha Kandirayê û siyasetmedar Fîgen Yuksekdag û Gultan Kişanak ziyaret kiribûn.
Buroya Çapemeniyê ya DEM Partiyê da zanîn ku piştî serdana Demîrtaş û Mizrakli dê têkildarî naveroka serdanê agahiyan parve bikin.