“Hevdîtina Jinan a Ked, Çand û Hunerê" ya Amedê: Jin bi keda xwe jiyana azad ji nû ve ava dikin

Di roja yekemîn ya “Hevdîtina Jinan a Ked, Çand û Hunerê" ya Amedê de gelek sazî û kooperatîfên jinan û jinên kedkar hatin cem hev.

Evrim Deniz

“Hevdîtina Jinan a Ked, Çand û Hunerê" ya Amedê: Jin bi keda xwe jiyana azad ji nû ve ava dikin

Hevdîtina Jinan a Ked, Çand û Hunerê ya Amedê ku di pêşengtiya Serokatiya Daîreya Xizmetên Malbat û Jinan a Şaredariya Bajarê Mezin a Amedê li Qada Şêx Seîd dest pê kir wê sê rojan berdewam bike.

Di bernameya îro de bi pêşengiya Serokatiya Daîreya Xizmetên Jin û Malbatê ya Şaredariya Peyasê atolyeya boyaxkirina keviran hat lidarxistin. Jinên ku beşdarî atolyeyê bûn, kevir bi rengên cihêreng rengizandin. Dîlan Korhan yek ji wan jinan e ku beşdarî Atolyeya Kevir boyaxkirinê bûye. Korhanê diyar kir ku atolye pir kêfxweş û bikêr bû.

Berî ku bername dest pê bike Hevseroka Giştî DBPê Çigdem Kiliçgun Uçar, Hevşaredara Bajarê Mezin a Amedê Serra Bucak û hevşeredarên DEM Partiyê li standên jinan geriyan.

Nermîna 19 salî şîrînayiyê çêdike û difiroşe. Nermînê diyar kir ku hevdîtina jinan a li vir hêz daye wê û divê her sal ev hevdîtin pêk were.

"Kooperatîfa Jinan a Şîmelê" cihê ku ji aliyê 8 jinan ve hatiye avakirin e. Kooperatîfa ku hewl dide ked û hilberîna malê ya jinan nîşan bide, dixwaze zêdetir jinan bibîne.

Di civînê de hilberînerên tovên herêmî cihê xwe di nava jinan de girtin. Armanc ew e ku tovên bav û kalan ji nifşek bi nifş veguhezîne. Her wiha di dîrokê de têkiliyên jinan ên bi ekolojiyê re tînin bîra me.

Di bernameyê de jinan standa kovara Jineolojiyê danîn. Jinan diyar kirin ku ew ê bi Jineolojiyê jiyaneke azad ava bikin.

Hevserok Serra Bucak beriya konsera ku dê KASEDjin û Eylül Nazlıer tê de derkevin ser dikê axivî. Serra Bucakê da zanîn ku hevdîtin dê sê roj berdewam bikê, ew tevahiya gelê xwe vexwendinin vir. Her weha Bucakê destnîşan kir ku li vê qadê ji bo têkoşîna jinan werê xuyakirin ev hevdîtin pêk tê.

Piştre Parlamentera Amedê Adalet Kaya destnîşan kir ku jin li her qadên jiyanê têdikoşin lê ev ked nayê xuyakirin û wiha axivî: “Îro ji bo keda jinê em li vir in. Em jin jiyanê ava dikin. Li her qadên jiyanê jin kedê didin, azadiyê û jiyanê ji nû ve ava dikin. Em jin bi salane ji bo aştiyê têdikoşin. Dayîkên Aştiyê gelek êş kişandiye lê dibêjin aştî. Gotina aştiyê gotina jiyanê ye. Aştiyê em ê bi pêşengtiya jinan pêk bînin."

Roja yekemîn bi konsera hunermend Eylul Nazlier û Koma Tenbûrê ya KASEDjinê dawî bû.

Eylul Nazlierê bi kirmackî / zazakî stran got.

Cihê Nûçeyê

Amed

Çalışmalarını ağırlıklı olarak Diyarbakır ve çevresindeki Kürt illerinde sürdürmektedir. Meslek hayatında, Gazete Duvar, MLSA, 5Harfliler, Kadın İşçi, 9. Köy ve Fikir Gazetesi gibi pek çok platformda haberleriyle yer aldı. Dicle Fırat Gazeteciler Derneği'nde (DFG) medya ve basın sorumlusu olarak görev aldı. Bağımsız gazetecilik anlayışını benimseyen Evrim Deniz, kadın emeği, insan hakları ve toplumsal adalet gibi konulara odaklanmaktadır. Şu anda Bianet’in Diyarbakır muhabiri olarak görev yapmaktadır.