Hevserokên Giştî yên Partiya Wekhevî û Demokrasiyê ya Gelan (DEM Partî) Tulay Hatîmogûllari û Tuncer Bakirhan, bi Serokê Giştî yê Partiya DEVAyê Alî Babacan re hevdîtin kirin.
Li gorî nûçeya Ajansa Mezopotamyayê hevdîtin, saet di 11.00’ê de li Navenda Giştî ya Partiya DEVA’yê dest pê kir. Alîkarên Serokê Koma DEM Partiyê Gulistan Kiliç Koçyîgît û Sezaî Temellî jî di şandeya DEM Partiyê de cih girtin.
Şandeya DEM Partiyê, ji aliyê Babacan û Alîkarê Serokê Giştî yê Partiya DEVAyê Îbrahîm Çanakçi, Cîgirê Serokê Giştî Mehmet Emîn Ekmen, Sadullah Ergîn û Medenî Yilmaz ve hate pêşwazîkirin.
Hevdîtin, ji çapemeniyê re girtî berdewam kir.
(AY)
