Hesabê Xê yê Ekrem Îmamoglû hat astengkirin
Piştî parvekirina dawî ya Îmamoglû hesabê wî yê Xê nîvê şevê hate astengkirin. Îmamoglû di parvekirinê de ji bo mîtînga li Qada Beyazitê bang kiribû. Astengkirina hesabê Îmamoglû rastî bertekan hat.
Hesabê Xê (bi navê berê Twitter) ê namzetê serokkomariyê yê CHPê û Şaredarê Bajarê Mezin ê Stenbolê yê girtî Ekrem Îmamoglû, li Tirkiyeyê bi hinceta "parastina ewlehiya neteweyî û pergala giştî" hate astengkirin.
Her weha li ser hesabê Xê 9.7 milyon şopînerê Ekrem Îmamoglû hene,
Li gorî nûçeya Ajansa Mezopotamyayê, di şeva navbera 8 û 9ê Gulanê de biryara astengkirinê hatiye pêkanîn.
Diyar bûye ku hesab li derdora saet 02:00an hatiye astengkirin. Welatiyan bi rêya Xê bertek nîşanî biryarê dan.
(TY/AY)
Hak odaklı, çok sesli, bağımsız gazeteciliği güçlendirmek için bianet desteğinizi bekliyor.