Sağlık ve Sosyal Hizmet Emekçileri Sendikası (SES) Şişli Şubesi, 21 Şubat Dünya Anadili Günü'nde anadilde sağlık hakkı talep etti.
Kürtçe'nin Kirmanckî ve Kurmanci lehçeleri ile Türkçe, Süryanice, Ermenicesi ve İngilizce olmak üzere altı dilde yapılan açıklamanın Kirmanckîsi şöyle:
"Bê tu cîyayîye û sewîyeya seypê de xizmetanê weşîye ra îstîfadekerdişê komelan heqêko bingeyên yê merdiman o. No xusus de ganî her kesî rê bi şertê ziwanê xo yê dayîke resayîşê xizmetanê weşîye bêrê teşkîl kerdene.
TIKLAYIN-Di zimanê zikmakî de mafê tenduristîyê di ser siyasetê re ye
UNESCO (Rêxistina Perwerde, Zanist û Kulturî) ke binê banê Yewîya Mîletan de ca gêno, serra 2000î ra dima 21 Sibate sey Roja Ziwanê Dayîke ya Mîyanneteweyî îlan kerdo. Bêguman dîyarkerdişê na roja teybete de rolê hereketanê wendekaran yê bangladeşijan û çalakîyanê pêroyîyan pîl o.
TIKLAYIN-"Anadilde sağlık siyaset üstüdür"
Ewro zemanê ma yo ke dewletê ke bi desan ziwanan bi hewayo resmî nas kenê estê û planetanê cîya-cîyayan de heyato newe tehayul beno de, polîtîkaya tekziwanîye de israrkerdişê dewlete çîyêko şerm o. Netîceyê nê ferasetî ke cuya merdiman bêerj keno de, bi mîlyonan hemwelatîyî nêeşkenê xizmetanê vernîrogirewtiş û tedawîkerdişî yê weşîye ra îstîfade bikerê. Ancîna na çarçewa de bi mîlyonan multecî û koçberî yê ke Sûrîye û welatanê bînan ra ameyê Tirkîya, heqê weşîye yê bingeyênî ra mehrum verdîyenê.
TIKLAYIN-ՄԱՅՐԵՆԻՈՎ ԱՌՈՂՋԱՊԱՀԱԿԱՆ ԻՐԱՒՈՒՆՔԸ ՎԵՐ Է ՔԱՂԱՔԱԿԱՆՈՒԹԵՆԷ
Ganî babete sewîyeya unîversalî de û bi senînî û ziwanê dayîke dîyayîşê xizmetanê weşîye û heqê weşîye yê bingeyênî ra îstîfadekerdene teberê zordîyayîşanê sîyasîyan de û sey meseleyêkê heqêko tebîî yê merdiman bêro vînayene.
Durî rê şîyayene îcab nêkeno, cirananê Tirkîya ra Îran, Vakurê Rojhelatê Sûrîye û Herêma Kurdîstanî yê Îraqê Federalî de bi zîwanê dayîkê xizmetê weşîye tetbîq benê. Analîzê tecrubeyanê înan ra îstîfadekerdene seba Tirkîya do musnayox bibo. Ma veng dane hukmatê xo ke wa kulturê kozmopolîtî yê Anadolu û Mezopotamya bêro seveknayîş, nîzamnameyê qanûnî û pratîkê ke do vernî de seba kurdan, ereban, armenîyan, suryanîyan, çerkesan, lazan, gurcîyan, boşnakan, azerîyan û arnawudan û heme şaran îmkanê xizmetê weşîye yê rayapêroyî yê seypê, bi ziwanê xo yê dayîke, bi senînî û bêucretî ra îstîfadekerdişî bidê, bêrê viraştene. (RT)
