Hejmara kesên ku ji 7ê Cotmeha 2023an vir ve di êrîşên artêşa Îsraîlê yên li ser Xezeyê de jiyana xwe ji dest dane, di 24 saetên dawî de 79 kes zêde bûn û gihîşt 54 hezar û 56an.
Wezareta Tenduristiyê ya li Xezeyê bi daxuyaniyekê derbarê êrîşên Îsraîlê yên 599 rojan de zanyarî parve kir.
Di 24 saetên dawî de 79 mirî û 163 brîndar anîne nexweşxaneyên li Xezeyê.
Di daxuyaniyê de hat gotin ku di êrîşên artêşa Îsraîlê de ku tevî agirbesta di 19ê Çile de ket meriyetê, di 18ê Adarê de ji nû ve dest pê kirin, hejmara qurbaniyan gihaştiye 3 hezar 901an û hejmara birîndaran jî gihaştiye 11 hezar 088 kesan.
Li Xezeyê di 19 mehan de 16 hezar û 506 zarok hatin kuştin
Ji 7ê Cotmeha 2023an vir ve, hejmara giştî ya kesên ku di êrîşên Îsraîlê yên li ser Xezeyê de jiyana xwe ji dest dane gihîştiye 54 hezar û 56 kesan û hejmara birîndaran jî gihîştiye 123 hezar û 129 kesan.
Her weha wezaretê di daxuyaniyê de dubare kir ku hîn jî di bin kavilan û li kêlekên rêyan de cenaze hene, lêbelê tîmên tenduristiyê û erkdarên parastina sivîl ji ber astengiyên hêzên Îsraîlê nekarîn bigihîjin wan.
(VC/AY)
