Hejmara miriyan gihîştiye hezar û 296an
Li Tirkiyeyê duh 98 kesên den ji ber koronavirusê mirine. Her weha 4 hezar û 93 kesên din nexweş ketine.
Foto: AA
Ji bo nûçeya tirkî / ingilîzî bitikîne
Wezareta Tenduristiyê li ser malpera xwe ya fermî zanyariyê nû derbarê nexweşiya Koronavirusê ango Covid-19ê de weşandiye.
Li gorî van zanyariyan duh 4 hezar û 93 kesên din nexweş ketine. 98 kes mirine. 511 kes ji nexweşiyê filitîne.
Di 24 saetan de testa 34 hezar û 456 kesan hatiye kirin.
Wezaretê aşkere kiriye ku heta niha test ji bo 410 hezar û 556 kesan hatiye kirin. Heta niha 61 hezar û 49 kes nexweş ketine. Hezar û 296 kes jî mirine.
Dermankirina hezar û 786 kesan di beşên nexweşiyên giran de dewam dike. Hejmara nexweşên ku entube ne hezar û 63 ye. Heta niha 3 hezar û 957 nexweş piştî dermankirinê baş bûne. (EKN/FD)