NÛÇE

Dîroka Weşanê: 15 Sibat 2023 14:30

~ Nûkirina Dawî: 15 Sibat 2023 14:33

1 xulek Xwendin

ERDHEJÊN 6Ê SIBATÊ

Hejmara miriyan gihîştiye 35 hezar û 418an

Serokomar Erdogan aşkere kiriye ku di erdhejên ku navenda wan Mereş bûye de heta niha 35 hezar û 418 kes mirine, 105 hezar û 505 kes birîndar bûne û ji wan 13 hezar û 208 kes jî li nexweşxaneyan têne dermankirin.

Stenbol

Hejmara miriyan gihîştiye 35 hezar û 418an

Ji bo nûçeya tirkî bitikîne

Serokomar û Serokê Giştî yê AKPê, Recep Tayyîp Erdogan piştî Civîna Kabîneyê a ku duh êvarê li Avahiya Navendî ya Serokatiya Rêvebiriya Karesatan û Rewşa Lezgîn (AFAD) pêk hatiye têkildarî mirî û birîndarên erdhejan agahî parve kiriye.

Li gorî daneyên ku Serokomar Erdogan aşkere kiriye ku di erdhejên ku navenda wan Mereş bûye de heta niha 35 hezar û 418 kes mirine, 105 hezar û 505 kes birîndar bûne û ji wan 13 hezar û 208 kes jî li nexweşxaneyan têne dermankirin.

Erdogan derbarê avahiyên ku xisar lê ketine de weha gotiye:

“Ji 19 hezarî zêdetir avahî hilweşiyan e û ji wan midaxeleya 15 hezarî bi dawî bûye.”

“Heta niha li 369 hezar avahî ango milyonek û 850 hezar xanî û kargeh ekîbên Wezareta Hawîrdor, Bajarvanî û Guhertina Avhewayê ve hatine lêkolînkirin.”

Li gorî daneyên destpêkê hatiye tesbît kirin ku 47 hezar apartman ango 211 hezar xanî bi xisar in û divê bilez bên hilweşandin.(AS/AY)

Cihê Nûçeyê

Navenda Nûçeyan a BIAyê

Hak odaklı, çok sesli, bağımsız gazeteciliği güçlendirmek için bianet desteğinizi bekliyor.

Google ile Katkıda Bulunun

HAK ODAKLI, ÇOK SESLİ,
BAĞIMSIZ GAZETECİLİĞİ GÜÇLENDİRELİM!

bianet'e destek olmak için tıklayın

NÛÇE

Dîroka Weşanê: 13 Adar 2025 17:28

~ Nûkirina Dawî: 13 Adar 2025 17:33

3 xulek Xwendin

SOHR: Hejmara sivîlên ku li Sûriyeyê hatin kuştin derket 1476an

Hat ragihandin ku li bajarên Laziqiye, Tertûs, Hama û Humsê 4 qetlîamên nû pêk hatin û di encamê de 93 sivîl hatin kuştin ku piraniya wan Elewî ne.

Navenda Nûçeyan a BIAyê

SOHR: Hejmara sivîlên ku li Sûriyeyê hatin kuştin derket 1476an

Hêzên ewlekarî yên ser bi rêveberiya nû ya Sûriyê li bajarên Tartûs û Laziqiyê ku weke “herêma peravê” tê zanîn û li rojavayê wî welati ye û herwiha li bejahiya Hema û Humsê êrîşên xwe yên li dijî elewîyan berdewam dike.

Li gorî Navenda Çavdêriya Mafên Mirovan a Sûriyeyê (SOHR) ku navenda wê li Londonê ye, di 50 qetlîamên ku ji aliyê hêzên ewlekariyê yên girêdayî rêveberiya nû ve li dijî Elewiyan pêk hatine de jin û zarok jî di nav de herî kêm hezar û 476 kesan jiyana xwe ji dest dane.

Hat ragihandin ku li Laziqiyê 735, li Tartûsê 466, li Hamayê 262 û li Humsê 13 sivîl hatine kuştin.

“Rageşiya ku bi 'operasyonên ewlekariyê' yên hêzên ewlekariyê yên girêdayî rêveberiya nû ya li herêma peravê dest pê kir û bi êrîşên leşkerên berê yên artêşa Sûriyeyê yên li bejahiya Laziqiyê ya di 6ê Adarê de li dijî hêzên ewlekariyê zêde bû. Ev êrişana ji 7ê Adarê ve veguherîbû êrîşên paqijiya etnîkî û kuştinên bi komî.”

“4 qetlîamên din pêk hatin”

SOHRê ragihand ku îro 3 qetlîamên nû li bajarên Tartûs, Laziqiye û Hamayê pêk hatin. Di van êrîşan de ku 158 sivîlan jiyana xwe ji dest dan, piraniya kesên hatin qetilkirin sivîlên Elewî ne.

Li Tartûsê 33 sivîl; (4 li Harisûn, 1 li Eyn Belûç, 2 li El-Hatiriye, 13 li Baniyas/El-Kusur, 3 li Xirbet el-Senasil, 1 li Eskableh, 4 li Tanita, 3 li Barmaya, 2 li El-Kalu)

Li Laziqiyê 52 sivîl; (1 li Zubar, 6 li Pira El-Burcan, 4 li Ruwaymiye, 1 li Şanbutin, 8 li Berabişbu, 23 li Kabû el-Ewamiye, 3 li Şerîfa, 6 li El-Muxtariyê)

1 sivîl li El-Huseybiya ya bejahiya Humsê

Li Hemayê 7 sivîl; (7 kes li Resafa, 3 jê zarok 2 jin in)

Kuştinên bêdaraz, koçkirina bi darê zorê û şewitandina mal û milkan

SOHRê ragihand ku wan tesbît kiriye ku sivîlên li herêma peravê hatine kuştin di gorên komî de hatine veşartin.

SOHRê da zanîn ku hêzên ewlekarîyê yên di bin rêveberiya nû de binpêkirinên wek kuştinên bêdaraz, koçberkirina bi darê zorê û şewitandina milkan pêk anîne û bang li civaka navneteweyî kir ku bi lezgîn gav bavêje.

Her wiha bang li rêveberiya Şamê jî kir ku bila hêzên ewlekariyê yên ku kuştinên bi komî pêk anîne bên darizandin û dawî li siyaseta bêcezakirinê bîne.

ÊRİŞÊN Lİ DİJÎ ELEWİYAN DİDOMİN

Li Suriyeyê hejmara sivîlên ku hatine kuştin derket 973an

10 Adar 2025

Li gorî daneyên SOHRê dabeşkirina qurbaniyên sivîl li gorî roj û herêman wiha ye:

6ê Adarê: Kesek li Humsê

7ê Adarê: Bi giştî 160 kes mirine ku li Tartûsê 62 û li Laziqiyê 98 kes.

8ê Adarê: Bi giştî 366 mirin, ji wan 227 li Laziqiyê, 55 li Tartus, 79 li Hama û 5 li Humsê ne.

9ê Adarê: 103 li Tartus, 194 li Laziqiyê û 6 li Hamayê bi tevahî 303 mirin.

10ê Adar: Bi tevahî 263 giştî mirin, ji wan 79 li Laziqiyê, 92 li Tartus, 86 li Hama û 6 li Humsê ne.

11ê Adar: Bi giştî 132 kes mirin, 60 li Laziqiyê û 72 li Tartûsê.

12ê Adar: Bi giştî 158, li Tartûsê 49, li Laziqiyê 25 û li Hamayê 84 kes mirin.

13ê Adar: Bi giştî 93 mirin, ji wan 33 li Tartus, 52 li Laziqiyê, 7 li Hama û 1 li Humsê ye.

(VC/AY)

Cihê Nûçeyê

Stenbol

sohr htş elewî Sûriye

NÛÇE

Dîroka Weşanê: 13 Adar 2025 13:40

~ Nûkirina Dawî: 13 Adar 2025 13:44

2 xulek Xwendin

Gazete Duvar hat girtin

Rojnameya dîjîtal ya bi navê Gazete Duvar ku di sala 2016an de hatiye damezrandin, duh roja 12yê Adarê bi awayekê fermî dawî li weşana xwe anî.

Navenda Nûçeyan a BIAyê

Rojnameya dîjîtal, Gazete Duvar hat girtin. Li gorî daxuyanîya xebatkarên rojnameyê, algoritma Googleê, krîza aborî û bihabûna jiyanê bûne sedemên girtina rojnameyê.

Xwedîyê Gazete Duvarê Vedat Zencir di daxuyanîya xwe de dîyar kiriye ku sedema bingehîn a girtina rojnameyê algoritma Googleê ye. Zencirî gotiye, “Em di nava çolgeha medyayê ya ku Google pêk aniye de ne.” Li gorî wî, wan hewl daye ku heqdestê xebatkaran li gorî pîvanên jiyanê bidin lê êdî rewş gihiştiye astekê ku nekarîye dewam bike.

Zencir wiha pê de çûye: “Heta niha me hewl da ku heqdestên xebatkarên me li ser ortalamanê bigirin. Rojnamegerî kareka bi şertên dîyarkirî ye. Em nikarin ji xebatkarên xwe fedakarîyên zêdetir bixwazin. Em ê ji vê yekê şerm bikin. Ev ê aşitîya kar xirab bike.”

Gazete Duvarê 9 sal berê dest bi weşanê kiribû

Rojnameya ku piştî hewldana darbeya leşkerî ya 15ê Tîrmehê ya 2016an li Tirkîyeyê dest bi weşanê kiribû, di nava van 9 salan de li ser gelek bûyerên girîng ên Tirkîyeyê û cîhanê nûçe weşandine. Di nava vê demê de bûyerên wek girtina akademîsyenên aştîyê, referandûma 2017an, hilbijartinên cuda, êrîşên sînor-derbas, pandemîya koronayê, şerê Ûkrayna-Rûsyayê, erdhejên 6ê Sibatê, krîza Xezzeyê û bûyerên dî bûn mijarên sereke yên nûçeyên wan.

Birêveberê Giştî yê Weşanê Barış Avşar xatir xwest

Birêveberê Giştî yê Weşanê Barış Avşar di nivîsa xwe ya bi navê “Dema xatirxwestinê ji bo Gazete Duvarê…” de behsa sedemên girtina rojnameyê kiriye. Wî destnîşan kiriye ku şirketa Google di sala borî de dest bi sabotajkirina medyaya ênternetê kiriye û ev yek li ser mafê agahîstandina gel bandoreka neyînî çêkiriye.

Avşar di nivîsa xwe de wiha gotiye: “Niha dem ew e ku serborîyeka rojnamegerîyê biqedînin û xatir bixwazin. Lê em dizanin ku hewldana lêgerîna heqîqetê wê her daîm berdewam bike. Gazete Duvar jî bi tiştên ku di nava vê hewldanê de hiştine dê her tim bê bîranîn.”

*Çavkanî: Botantimes

Cihê Nûçeyê

Stenbol

gazete duvar