Midûriyeta Giştî ya Sicîla Fermî û Îstatîstîkan a Wezareta Dadê, daneyên derbarê sala 2021ê de aşkere kirine. Li gorî van daneyan, her sal hejmara girtiyan zêde bûye.
Midûriyetê diyar kiriye ku di sala hejmara girtiyan di sala 2021ê de 297 hezar û 860 bû. Ev hejmar di sala 2016ê de 200 hezar û 727, di sala 2020ê de jî 266 hezar û 831 bû. Li gorî van daneyan, hejmara girtiyan di salekê de ji 30 hezarî zêdetir bilind bûye.
Midûriyeta Giştî her weha hejmara girtîgehan jî li gorî salan weşandiye. Di sala 2016ê de hejmara girtîgehan 382 bû. Di sala 2017ê de bûye 386 û di ya 207ê de bûye 389. Di sala 2019ê de hejmara girtîgehan kêm bûye û daketiye 362yê lê di sala 2020an de dîsa bilind bûye û derketiye 370yî. Di sala 2021ê de hejmara girtîgehan bûye 384.
Hejmara girtiyên mêr zêdetir e
Heta 31ê Kanûna Pêşiyê ya 2021ê, ji sedî 87,2 hikûmxwar, ji sedî 12,8 jî girtî ne. Her weha ji sedî 96,1 mêr, ji sedî 3,9 jî jin in.
Li gorî daneyan heta 31ê Kanûna Pêşiyê ya 2021ê, li 384 girtîgehan ji sedî 24,6ê girtiyan bi tawana diziyê, ji sedî 8,8ê wan bi tawana binpêkirina parêzendiya xaniyan, ji sedî 7,1ê wan bi tawana birîndarkirina bizanebûn, ji sedî 6,4 bi tawana çêkirin û bazirganiya hişberan û ji sedî 5,0 jî bi tawana ku ziyan daye malk û milkan hatine girtin.
Di sala 2021ê de hejmara zarokên ku temenê wan di navbera 12 û 17ê de ne û ceza li wan hatiye birîn, bûye 999.
Li beramberî vê rewşê li 386 girtîgehan hejmara cihên razanê 270 hezar û 68 e. Yanî li gorî hejmara cihên razanê 27 hezar û 792 kes zêde ne.
Ji sedî 96ê girtiyan welatiyên Tirkiyeyê ne û ji sedî 4 jî biyanî ne.
Hejmara karmendên girtîgehan jî di sala 2016ê de 48 hezar û 764 bû, lê ev hejmar di sala 2021ê de bûye 66 hezar û 691. Li girtîgehan her ji yek karmendî re 4,1 girtî diketin, lê di sala 2021ê de êdî 4,5 girtî dikevin. (FD)
