Ji bo nûçeya tirkî / ingilîzî bitikîne
Hatiye îdiakirin ku polîsan duh li Amedê saet di 04.00ê destê sibehê de gule bera serê xortê bi navê Recep Hantaşî daye û ew kuştiye.
Hantaş 20 salî bûye.
Li gorî nûçeya Ajansa Mezopotamyayê, Hantaş bi hevalekî xwe re li Sumerparkê rûniştî bû û di vê demê de polîsan gule bera wî dane û ew kuştiye.
Hantaş di wê kêliyê de miriye û xortê li ba wî hatiye desteserkirin ku şahidî ji bûyerê re kiriye.
Cenazeyê Hantaşî rakirine morga Nexweşxaneya Zanîngeha Dîcleyê û di saetên nîvro de di bin dorpêça polîsan de li Goristana Yenîkoyê hatiye binaxkirin.
Birayê wî: Polîsan got, me ew bi şaşî kuştiye
Efe Hantaş, birayê Recep Hantaşî gotiye “polîsan ji me re got, me birayê te bi şaşî kuştiye”.
Efe Hantaşî ev tişt gotine:
“Hîna di germahiya bûyerê de ku bandora bûyerê li ser me hebû, polîsên hatin ba me, ji me xwestin em demildest cenazeyî ji morgê bigirin û bibin goristanê. Polîs di nava endîşeyê de bûn. Dema me cezaneyê birayê min hilgirt û bir Goristana Yenîkoyê, me dît ku goristan di bin dorpêçê de ye.
“Ji bilî me nehiştin ku kes bikeve goristanê. Dema me nimêj dikir û telqîn dixwend, polîs gelek caran hatin ba me û gotin, “bilezînin, bêyî ku qerebalix were wî binaxbikin.
“Recepî ji min re gotibû, dema polîsan kontrola nasnameya me dikir ji min re gotin ‘terorîst’. Min ev tişt qebûl nekir û polîsan gef li min xwar. Ji ber wê ez bawer nakim ku pevçûn çêbûye yan jî ‘bi şaşî hatiye kuştin’.” (EKN/FD)
* Fotoğraf: Mezopotamya Ajansı
