Grûba ke 29 serrî yo standardîzasyonê zazakî ser o xebitîyena, heta nika 39 kombîyayîşan de 10 hezar ra vêşêr çekuyanê bingeyinan û 60 hezar varyantanê înan ser analîzêko hempar kerdo.
Grûba ke 29 serrî yo standardîzasyonê zazakî ser o xebitîyena, heta nika 39 kombîyayîşan de 10 hezar ra vêşêr çekuyanê bingeyinan û 60 hezar varyantanê înan ser analîzêko hempar kerdo.
Grûba Xebate ya Vateyî ya ke kovara Vateyî weşanena (1997 ra nat 82 hûmarî), kombîyayîşê xo yê 40. Amed de 4 rojî kombîyayîşê xo virazena. Na grûba ke akademîsyen û nuştoxanê zazakî arêkena pêser, standardîzekerdişê kirmanckî (zazakî) de rolêko sereke gêna xo ser.
Nuştox û mamostayê ke beşdarê kombîyayîşî bîyî nê yê;
Metodolojîya Zanistî: Krîterê Weçînayîşî
Grûbe çekuyanê standardan bi krîteranê zanistî weçînena: muşterekbîyayîşê herêmkî, analîzo etîmolojîk, muqayeseyê lehçeyanê kurdkî yê bînan (kurmancî, soranî) û ziwananê cîranan (fariskî, erebî û tirkî). Grûbe heta nika ferhenganê xo de xeylê termê teknîkî yê anatomî, huqûq, şaredarî, leşkerî, cografya, edebîyat, perwerde tesbît kerdî û eke mecbur bimana çekuyanê neweyan virazena.
Beşdarî: Profîlêko Cografîk
23 dawetkerdeyî 12 bajaran ra beşdarê kombîyayîşan benê: Dêrsim, Pîran, Sêwregi, Çewlîg, Gimgim, Pali, Licê, Pasûr, Hêni, Çêrmûg, Kangal û Gêl. No vilabîyayîşo cografîk seba temsîlê varyantanê herêmkîyan muhîm o.
Qarar û netîceyê kombîyayîşî do seba perwerdeyê zazakî, edebîyato modern, weşankar û xebatanê akademîkan bibê rayberê nuştişî. Grûba Xebate ya Vateyî, bi xebatanê xo yê 29 serran, zazakîya fekkî ra yew ziwanêko nuştekî yo standard virazena.
Kombîyayîşê ma yê 40. ra çend fotografî.#Zazakî #Kirmanckî #Kirdkî #Dimilkî pic.twitter.com/AqjP1EKDZe
— Grûba Xebate ya Vateyî (@GrubaVateyi) September 18, 2025
(AY)
