Girtiyê nexweş yê 71 salî Necmettîn Ormanli serbest bûye
Yek ji girtiyên nexweş Necmettîn Ormanli yê 71 salî piştî cezayê wî qediyaye hatiye berdan.
![Girtiyê nexweş yê 71 salî Necmettîn Ormanli serbest bûye](https://static.bianet.org/system/uploads/1/articles/spot_image/000/283/370/original/aas.jpeg)
Ji bo nûçeya tirkî bitikîne
Girtiyê nexweş yê 71 salî Necmettîn Ormanli serbest bûye. Ormanli li Girtîgeha Tîpa T ya Eskîşehîrê dihat girtin.
Girtiyê nexweş Necmettîn Ormanli yê 71 salî di sala 2020an de li Silopiya ya Şirnexê bi îdiaya ku “Li ser navê rêxistinê sûc kiriye” hatibû girtin û 6 sal û 3 meh cezayê girtîgehê lê hatibû birîn.
Ormanli li Girtîgeha Tîpa T a Eskîşehîrê dihat ragirtin. Yek ji girtiyên nexweş bûye û nexweşiyên wî yên tansiyona bilind, diyabet, astim, bronşît û nexweşiya dil hebûn.
Malbat û xizmên Ormanli li pêşiya girtîgehê pêşwaziya wî kirine.
Bi kêmanî 81 girtî mirin
Li gorî rapora Komeleya Mafên Mirovan (IHD), li Tirkiyeyê hîna 651 jê giran, hezar û 517 girtiyên nexweş hene.
Di sala 2022yan de bi kêmanî 81 girtî mirin. (NT/AY)