Ji bo nûçeya tirkî / ingilîzî bitikîne
Dayikên/Mirovên Şemiyê û Komeleya Mafên Mirovan (İHD) ji ber ku di hefteya 700î ya çalakiya wan a li Qada Galatasarayê de êrîş li wan hatiye kirin, mafê wan ê xweîfadekirinê, civîn û xwenîşandanê hatine binpêkirin, giliyê hêzên asayişê, Wezîrê Navxweyî Suleyman Soylû, Waliyê Stenbolê Vasîp Şahîn û Qaymeqamê Beyoglûyê Savaş Unluyî kirin.
Dayikên/Mirovên Şemiyê û Komeleya Mafên Mirovan (İHD) li Edliyeya Stenbolê ya li Çaglayanê daxwazname pêşkêşî Serdozgeriya Komarî ya Stenbolê kirin.
Piştî ku daxwaznameyên xwe pêşkêş kirin, Dayikên/Mirovên Şemiyê û endamên İHDyê li ber avahiya edliyeyê daxuyaniyek dan çapemeniyê.
Bitikîne - Polîsan êrîşî çalakiya Dayikên Şemiyê kir
Gulseren Yolerî Serokê İHDya Stenbolê daxuyanî xwend û wiha got:
“Tiştê ku me kiriye çalakiya herî demdirêj a li Tirkiyeyê û piştî ya Dayikên Plaza de Mayoyê duyem çalakiya herî demdirêj e.
“Heta niha daxuyaniyên me û rûniştinên me yên li Galatasarayê nebûne li dijî Qanûna Civîn û Meşên Xwenîşandanê. Nebûne sedema dozekê. Li gorî vê, li wir ti sûcek nebûye. Em jî nizanin çi ferq di navbera hefteya 699ê û 700î de heye. Lê muxatabê me Erdogan e.”
Dayikên/Mirovên Şemiyê 25ê Tebaxê ji bo hefteya 700î xwestibûn li Qada Galatasarayê kom bibin. Li ser fermana Suleyman Soylû Wezîrê Navxweyî polîsan destûr nedabûn wan û êrîş biribûn ser wan. Di encamê de 47 kes hatibûn desteserkirin.
Bitikîne - Polîsan rêya Mirovên/Dayikên Şemiyê girtiye, ew dixwazin kom bibin
Dayikên/Mirovên Şemiyê û Komisyona Li Dijî Windayên Di Dema Desteserkirinê de ya Şaxê Stenbolê ya Komeleya Mafên Mirovan (İHD) 1ê Îlonê bi daxuyaniyeke hevbeş gotin, "Em e di hefteya 701ê de jî li Qada Galatasarayê bin."
Lê bi fermana Wezîrê Navxweyî destûr nehatibû dayîn ku biçin Qada Galatasarayê. Hefteya 702yê jî ji hêla polîsan ve Dayikên/Mirovên Şemiyê hatibûn astengkirin. HA/FD)
.jpg)
