Ji bo nûçeya Tirkî / Ingilîzî bitikîne
Fotografê Hevserokê HDPê Selahattin Demirtaş û Parlamenterê Colemêrgê Abdullah Zeydan yê di Girtîgeha Tîpa F a Edirneyê de hat weşandin. Demirtaş û Zeydan di fotograf de tê dîtin ku li hewşa qawîşê pêgermokê dikin.
Hevserokê HDPê Selahattin Demirtaş û Figen Yuksekdag (Di 21ê Sibata 2017an de mafê Parlamenteriyê jê hat standin), Wekîlê Serokê Koma HDPê û Parlamenterê Amedê Idrîs Baluken, parlamenterên Şirnexê Leyla Birlik û Ferhat Encu, Parlamentera Amedê Nursel Aydogan, Parlamentera Mêrdînê Selma Irmak û Parlamenterê Colemêrgê Abdullah Zeydan di 4ê Mijdara 2016an de hatibû desteserkirin û heman rojê jî hatibûn girtin.
Parlamenterên Amedê Ziya Pir, Altan Tan û İmam Taşçier, Parlamenterên Wanê Lezgin Botan û Nadir Yildirim, Parlamenterê Enqereyê Sirri Sureyya Onder, Parlamenterê Qersê Ayhan Bilgen û Paralmentera Stenbolê Huda Kaya jî di çarçoveya heman operasyonê de hatibûn desteserkirin lê bi şertê kontrola edlî serbest hatibûn berdan. (EKN/FD)
KRONOJIYA GIRTIN Û DESTESERKIRINA PARLAMENTERÊN HDPyêPiştî ku parêzbendiya parlamenterên HDPyê hat betalkirin gelek parlamenterên HDPyê hatin desteserkirin û bi şertê kontrola edlî hatin serbestberdan. 13 parlamenter hatine girtin. Herî dawiyê parlamenteriya Yûksekdagê hat betalkirin. Di 4ê Çiriya Paşiyê de, hevserokên Partiya Gelan a Demokratîk(HDP), Selahattîn Demîrtaş û Fîgen Yûksekdag, berdevkê HDPyê Îdrîs Balûken û parlamenterên HDPyê Leyla Bîrlîk, Selma Irmak, Nursel Aydogan, Gûlser Yildirim, Ferhat Encû û Abdullah Zeydan hatin girtin. Di heman operasyonê de polîsan Ziya Pir, Sırrı Süreyya Önder, İmam Taşçıer, Hüda Kaya, Altan Tan, Ayhan Bilgen, Lezgin Botan, Nadir Yıldırım desteser kiribû û bi şertê kontrola edlî serbest berdabû. ** Di 7ê Çiriya Paşiyê de parlamenterê HDPyê yê Colemêrgê, Nîhat Aydogan hat girtin. ** Di 13ê Kanûna Pêşiyê ya 2016ê de Dadgeha Cezayê Giran a 2. biryar da ji ber lêpirsîna KCKyê parlamenterên HDPyê Osman Baydemir, Dirayet Taşdemir, Çağlar Demirel, Selma Irmak, Ahmet Yıldırım, Besime Konca, Alican Önlü û Nadir Yıldırım bi zorê bê anîn. Cihgira hevserokên HDPyê Çaglar Demîrel û parlamentera HDPyê Besîme Konca hatin girtin. ** Di 4ê Kanûna Paşiyê ya 2017ê de, Leyla Bîrlîk hat serbestberdan. ** Di 28ê Kanûna Paşiyê ya 2017ê de, parlamentera HDPyê ya Edeneyê Meral Daniş Beştaş hat girtin û di heman rojê de hat serbestberdan. ** Di 30ê Kanûna Paşiyê ya 2017ê de berdevkê HDPyê Îdrîs Balûken hat serbestberdan. ** Di 31ê Kanûna Paşiyê ya 2017ê de, berdevkê HDPyê Ayhan Bîlgen hat girtin. ** Di 15ê Sibata 2017ê de Ferhat encû hat serbestberdan. ** Di 17ê sibata 2017ê de Ferhat Encû dîsa hat girtin. ** Di 21ê Sibata 2017ê de parlamenteriya hevseroka HDPyê, Fîgen Yûksekdagê hat betalkirin. Bi vê yekê hejmara parlamenterên HDPyê ji 59ê bû 58. ** Dadgeha Cezayî ya Bazidê 5 meh cezayê girtinê da Selahattîn Demîrtaşî. ** Di 6ê Adara 2017ê de polîsan parlamenterê HDPyê, Alîcan Onlû li Dadgeha Dêrsimê desteser kir.(EKN/MB) |
